Karthika deepam 2 October 7th : జ్యోత్స్న చెంపలు వాయించిన శివ నారాయణ.. అసలు నిజం బయట పెట్టిన కార్తీక్ బాబు

Karthika deepam 2 Serial Latest Episode : కార్తీక దీపం 2 అక్టోబర్ 6వ తేదీ 481వ ఎపిసోడ్ ఆసక్తికరంగా సాగింది. జ్యోత్స్న వేలం పాటలో తన ప్రత్యర్థి వైరా పై నెగ్గాలని ప్రయత్నిస్తుంది. అయితే అప్పటికే జ్యోత్స్న వెంట శివ నారాయణ, దశరథ, కార్తీక్ బాబు కూడా ఉండటంతో జ్యోత్స్న కంగారు పడుతుంది. వీళ్లు ఉంటే తను అనుకున్నట్టుగా వేలం పాటను పాడనివ్వరని అనుకుంటుంది. ఇక వెంటనే వాళ్లను వేలం పాట నుంచి వెళ్లగొట్టాలని ప్లాన్ చేస్తుంది. దీంతో వెంటనే ఒక ఫేక్ కాల్ చేయించి తన రెస్టారెంట్ పై ఫుడ్ సేఫ్టీ ఆఫీర్లు రైడ్ కు వస్తున్నారని చెప్పిస్తుంది. దాంతో దశరథ, శివ నారాయణ హుటాహుటినా వేలం పాటను జ్యోత్స్నకు అప్పగించి రెస్టారెంట్ వద్దకు వెళ్లిపోతారు.

ఇక జ్యోత్స్న వేలం పాట సంగతిని చూడమని శివ నారాయణ కార్తీక్ బాబును అక్కడే ఉంచి వెళ్తాడు. దాంతో కార్తీక్ బాబు జ్యోత్స్న ఎలా వేలం పాట పాడుతుందో గమనిస్తాడు. అప్పటికే నష్టాల్లో ఉన్న రెస్టారెంట్ ను జ్యోత్స్న అత్యధిక ధరకు కొనేందుకు సిద్ధపడుతుంటుంది. 10 కోట్ల విలువ గల రెస్టారెంట్ కు 19 కోట్ల వేలం పాడుతుంది. తన ప్రత్యర్థి వైరా కూడా జ్యోత్స్నను నష్టపరచాలని 20 కోట్లు పాడుతాడు. అది గమనించిన కార్తీక్ బాబు ఇక వెంటనే జ్యోత్స్నను వేలం పాడకుండా ఫేక్ కాల్ చేయించి 21 కోట్లు పాడకుండా చేస్తాడు. దీంతో వైరాకు దిమ్మతిరిగి పోతుంది. మరోవైపు కార్తీక్ బాబు తనను వేలం పాడకుండా అడ్డుకున్నాడని జ్యోత్స్న ఇంట్లో నానా రచ్చ చేస్తుంది. దాంతో శివ నారాయణ కూడా కార్తీక్ బాబుపైనే మండి పడుతాడు. జ్యోత్స్న దగ్గర ఉన్న అగ్రిమెంట్ పేపర్లను తిరిగి ఇచ్చే నువ్వు ఒక్క క్షణం కూడా ఈ ఇంట్లో ఉండాల్సిన పనిలేదని చెబుతాడు. ఈ సందర్భంగా ఏం జరిగిందనేది ఆసక్తికరంగా మారింది. ఇక అక్టోబర్ 7వ తేదీ 482 ఎపిసోడ్ లో ఏం జరిగిందంటే?

Karthika Deepam 2 Serial

కార్తీక్ బాబుకు శివ నారాయణ అగ్రిమెంట్ పేపర్లను తిరిగి ఇవ్వడంతో జ్యోత్స్న షాక్ అవుతుంది. అంతే కాదు శివ నారాయణ ఊహించని ట్విస్ట్ ఇస్తాడు. కార్తీక్ బాబును తిట్టినట్టే తిట్టి మద్దతుగా మాట్లాడుతాడు. కార్తీక్ బాబు నిన్ను మోసం చేశాడా? లేదా? జ్యోత్స్న అని శివ నారాయణ ప్రశ్నిస్తాడు. అందుకు జ్యోత్స్న మోసం చేశాడని అంటుంది. మరీ అలాంటి వాడిని ఏం చేయాలని శివ నారాయణ అడుగుతాడు. దాంతో జ్యోత్స్న మెడ పట్టి ఇంట్లో నుంచి గెంటేయాలని అంటుంది. ఆ మాట విన్నాక శివ నారాయణ జ్యోత్స్నపై మండి పడుతాడు. నోరు మూయి జ్యోత్స్న. తప్పు నువ్వు చేసి కార్తీక్ బాబునే ఇంట్లో నుంచి గెంటేయాలని చూస్తున్నావా? అని ప్రశ్నిస్తాడు. నీ వల్ల కోట్ల రూపాయలు నష్టం వచ్చేది. కార్తీక్ బాబు గనుక లేకపోయి ఉంటే అక్కడ పరిస్థితి మరోలా ఉండేది. అసలు నిన్ను నమ్మి వెళ్లడం మాది తప్పు అయ్యిందని శివ నారాయణ జ్యోత్స్నపై రగిలిపోతాడు. దాంతో జ్యోత్స్న నా తప్పు ఏముంది తాత, వేలం పాటలో గెలిచి ఉంటే మాత్రం 2 ఏళ్లలో లాభాలు అంటే ఏంటో చూపించే దాన్ని అని బదులిస్తుంది.

Karthika deepam 2 October 6th : అతి తెలివి ప్రదర్శించిన జ్యోత్స్న.. అగ్రిమెంట్‌ పేపర్లను కార్తీక్‌కు ఇచ్చేసిన శివనారాయణ

దాంతో జ్యోత్స్నపై శివ నారాయణ మరింతగా ఫైర్ అవుతాడు. లాభాల మాట దేవుడు ఎరుగు కానీ, ముందు నష్టాల్లో ఉన్న కంపెనీని లాభాల్లోకి తీసుకొచ్చి చూపించు అని ఫైర్ అవుతాడు. అసలు నిన్ను ఆ కంపెనీకి ఎలా సీఈవోను చేశానా అని ఇప్పుడు అనిపిస్తోంది. నీ ఆలోచనల వల్ల మార్కెట్ లో పూర్తిగా పరువు పోతోందని తిడుతూ ఉంటాడు. దీంతో వెంటనే పారుజాతం తప్పు చేసింది కార్తీక్ బాబు అయితే మీరు జ్యోత్స్నను ఎందుకు తిడుతున్నారని పారుజాతం జ్యోత్స్నకు సపోర్ట్ గా మాట్లాడుతుంది. నువ్వు నోరు మూసుకోమని శివ నారాయణ పారుజాతంపై కళ్లు ఎర్ర చేస్తాడు. మరోవైపు సుమిత్ర స్పందిస్తూ వేలం పాట పాడనివ్వకుండా జ్యోత్స్నను అడ్డుకొని తప్పు చేసింది కార్తీక్ బాబునే కదా మరీ జ్యోత్స్నను ఎందుకు నిందిస్తున్నారని సుమిత్ర ప్రశ్నిస్తుంది. ఆ వెంటనే శివ నారాయణ దశరథను అసలు నిజం ఏంటో అందరికీ తెలియాలి. ఎవరు తప్పు చేశారో? ఎవరు కంపెనీకి మేలు చేశారో పూర్తి వివరించు దశరథ అని అంటాడు. దాంతో దశరథ వెంటనే వేలం పాటలో గెలిచిన వైరాకు ఫోన్ చేస్తాడు. వేలం పాటలో గెలిచినందుకు శుభాకాంక్షలు అని చెబుతాడు. దాంతో వైరా దశరథ మాటలకు కోపం తెచ్చుకుంటాడు.

Gunde Ninda Gudi Gantalu Octobert 7th : పోలీస్ స్టేషన్ లో బాలు రచ్చ.. మీనా తమ్ముడికి స్ట్రాంగ్ వార్నింగ్

కేవలం 10 కోట్లకే కొనాల్సిన రెస్టారెంట్ ను నువ్వు నాతో 20 కోట్లకు కొనేలా చేసి చావు దెబ్బ కొట్టావని అంటాడు. నీ కూతురితో 19 కోట్ల వరకు పాడించి చివరి క్షణంలో వేలం పాట నుంచి తప్పుకోమని ఫోన్ చేసి చెప్పావు. నన్ను మోసం చేసిన నిన్ను అస్సలు వదిలి పెట్టను దశరథ అని హెచ్చరిస్తాడు. ఈ మాటలు విన్నాక జ్యోత్స్న, సుమిత్ర, పారుజాతం, దీపా షాక్ అవుతారు. 10 కోట్ల రెస్టారెంట్ ను జ్యోత్స్న 21 కోట్లకు వేలం వేసి కొనాలని ప్రయత్నించింది. సమయానికి కార్తీక్ బాబు అడ్డుకోకపోతే ఈ రోజు 11 కోట్ల నష్టాన్ని భరించాల్సి వచ్చేది. ఇప్పుడు చెప్పండి కార్తీక్ బాబు కంపెనీకి మేలు చేశాడా? కీడు చేశాడా? అని శివ నారాయణ అడుగుతాడు. జ్యోత్స్నకు అగ్రిమెంట్ ప్రకారం కార్తీక్ 10 కోట్లు ఇవ్వాలి. ఇవ్వాళ కార్తీక్ బాబు 11 కోట్ల నష్టాన్ని అడ్డుకోవడంతో ఆ బాకీ తీరినట్టే అయ్యింది. ఇక కార్తీక్ బాబు ఇప్పటి నుంచి ఈ ఇంట్లో పనివాడిగా ఉండాల్సిన అవసరం లేదని శివ నారాయణ అంటాడు. కానీ కార్తీక్ బాబు మాత్రం అలా ఒప్పుకోడు. నేను అగ్రిమెంట్ జ్యోత్స్నకు రాశాను. జ్యోత్స్న చెబితేనే ఒప్పుకుంటానని అంటాడు.

Nani x Sujeeth: నాని – సుజీత్ సినిమా కథ ఏంటీ? రిలీజ్ ఎప్పుడో తెలుసా?

ఇక జ్యోత్స్న మాత్రం అగ్రిమెంట్ ను క్యాన్సిల్ చేయడానికి ఒప్పుకోదు. దాంతో మళ్లీ కార్తీక్ బాబు ఆ ఇంట్లోనే పనివాడిగా ఉండిపోతాడు. దీంతర్వాత జ్యోత్స్న కార్తీక్ బాబును అసలు నువ్వు ఎందుకు అగ్రిమెంట్ ను క్యాన్సిల్ చేయించుకోలేదని అడుగుతుంది. మా అమ్మను కూడా సంతోషంగా ఉండనివ్వకుండా చేశావని జ్యోత్స్న అంటుంది. ఇదే సమయంలో సుమిత్ర వస్తుంది. కార్తీక్ బాబును ప్రశ్నిస్తుంది. నీకు ఎన్నో సార్లు అగ్రిమెంట్ ను క్యాన్సిల్ చేసుకునే అవకావం వచ్చినా కూడా నువ్వు ఎందుకని ఒప్పుకోవడం లేదని అడుగుతుంది. అసలు నిజం ఏంటో నాకు ఇవ్వాళ తెలియాల్సిందేనని ప్రశ్నిస్తుంది. దాంతో కార్తీక్ బాబు నీ కూతురు కోసం అత్త అని అంటాడు. నువ్వు ఇప్పుడే ఎందుకు? ఎలా? అనే ప్రశ్నలు అడగకు అత్త, నీకు త్వరలోనే అన్ని విషయాలు తెలుస్తాయని అంటుంది. ఆ తర్వాత పారుజాతం కార్తీక్ బాబును ఏ కూతురు గురించిరా అని అడుగుతుంది. ఇంకే కూతురు జ్యోత్స్ననే అంటాడు. ఏ జ్యోత్స్న సుమిత్ర అత్త అసలు కూతురు కదా అని కార్తీక్ బాబు ప్రశ్నిస్తాడు. ఎందుకు కాదు జ్యోత్స్ననే అసలు కూతురు అని పారుజాతం తడబడుతూ సమాధానం ఇస్తుంది. ఇక ఆ తర్వాత ఏం జరిగిందనేది నెక్ట్ ఎపిసోడ్ కు వాయిదా పడింది.

Related Articles

Leave a Reply

Your email address will not be published. Required fields are marked *

Back to top button