Karthika deepam 2 October 3rd : జ్యోత్స్న కు దిమ్మతిరిగే కౌంటర్.. కార్తీక్ బాబు దెబ్బకు షాక్
Karthika deepam 2 Serial Latest Episode : కార్తీక దీపం 2 అక్టోబర్ 2వ తేదీ 478వ ఎపిసోడ్ ఆసక్తికరంగా సాగింది. తన కొడుకు కార్తీక్ బాబు శివనారాయణ ఇంట్లో డ్రైవర్ గా పనిచేయడం తండ్రి శ్రీధర్ కు ఏమాత్రం ఇష్టం లేదు. దీంతో తనకు సమయం వచ్చినప్పుడల్లా కార్తీక్ బాబును ఆ ఇంటి నుంచి దూరంగా చేసే ప్రయత్నమే చేస్తున్నాడు. రాజులా బతకాల్సిన తన కొడుకు ఇలా డ్రైవర్ గా, పనివాడిలా ఉండటం ఏమాత్రం జీర్ణించుకోలేకపోతున్నాడు. దీంతో శ్రీధర్ వెళ్లి జ్యోత్స్నను కలుస్తున్నాడు. కార్తీక్ బాబు జ్యోత్స్నకు మధ్య ఉన్న ఒప్పందం అగ్రిమెంట్ ను క్యానిల్ చేయించేందుకే రూ.10 కోట్ల విలువ గల చెక్ ను జ్యోత్స్నకు ఇస్తాడు శ్రీధర్. కానీ జ్యోత్స్న అందుకు ఒప్పుకోదు. డీల్ తనకు కార్తీక్ బావకు మధ్య ఉందని ఇందులోకి ఎవరూ తల దూర్చకూడదని అంటుంది. ఇక ఈ విషయం తెలుసుకున్న కార్తీక్ బాబు కూడా శ్రీధర్ చెక్కును తిరిగి ఇచ్చేస్తాడు. నేను అగ్రిమెంట్ ను తిరిగి వెనక్కి తీసుకోలేనని అంటాడు. మరోవైపు జ్యోత్స్నను దశరథ, శివ నారాయణ రెస్టారెంట్ బాధ్యతల గురించి అడిగి హెచ్చరిస్తారు. అసలు నీకు ఇచ్చిన పని ఎంత వరకు పూర్తి చేశావని అడుగుతారు. నువ్వు రెస్టారెంట్ కు వెళ్తావా? లేదా? అని అంటారు. దాంతో జ్యోత్స్న తటపటాయిస్తూ బదులిస్తుంది. నువ్వు త్వరగా మన రెస్టారెంట్ ను లాభాల్లోకి తీసుకొచ్చే పనిలో ఉండమని మరోసారి సూచిస్తారు. ఆ తర్వాత ఏం జరిగిందనేది ఇప్పుడు ఆసక్తికరంగా మారింది. ఇక అక్టోబర్ 3వ తేదీ 479 ఎపిసోడ్ లో ఏం జరిగిందంటే?
కార్తీక్ బాబు మనస్సులో ఏముందో తెలుసుకోవాలని జ్యోత్స్న ప్రయత్నిస్తుంది. తండ్రి శ్రీధర్ 10 కోట్ల రూపాయల చెక్ ఇచ్చినా ఎందుకు తీసుకోలేదని సందేహిస్తుంది. దాంతో కార్తీక్ బాబును అడుగుతుంది. అసలు నువ్వు ఎందుకు ఆ డబ్బులు తీసుకోలేదు బావ అని ప్రశ్నిస్తుంది. దాంతో కార్తీక్ బాబు వాటన్నింటికీ నీకు సమాధానం చెప్పాల్సిన పనిలేదు. నువ్వు నీ బిజినెస్ చూసుకుంటే బాగుంటుంది. లేదంటే నీకే ఇబ్బంది అవుతుందని హెచ్చరిస్తాడు. ముందు ఆ రెస్టారెంట్ బాధ్యతలను చూసుకోమని చెబుతాడు. మరోవైపు వేలం పాటలో కొనాలనుకున్న హోటల్ ను చౌక ధరకు కొనుగోలు చేసి మంచి లాభాలను ఆర్జించాలని మనస్ఫూర్తిగా కోరుకుంటున్నానని చెబుతాడు కార్తీక్ బాబు. దీంతో జ్యోత్స్న మండి పడుతుంది. నా గురించి నేను చూసుకోగలను బావ అని బదులిస్తుంది. ఇదిలా ఉంటే మరోవైపు శ్రీధర్ కూడా కార్తీక్ బాబు క్షేమం గురించి తీవ్రంగా ఆలోచిస్తూ ఉంటాడు. కార్తీక్ బాబును ఎలాగైనా శివ నారాయణ కుటుంబం నుంచి పని మనిషిగా విడిపించాలని ప్రయత్నిస్తూ ఉంటాడు. అందుకోసం తన వంతు ప్రయత్నాలు చేస్తూనే ఉన్నాడు. కొడుకుపై ప్రేమ చూపించుకునేందుకు తపన పడుతూనే ఉన్నాడు. కానీ కార్తీక్ బాబు మాత్రం తండ్రి ప్రయత్నాలను అడ్డుకుంటూనే వస్తున్నాడు.
కార్తీక్ బాబు చెబితే వినడం లేదని శ్రీధర్ బాధ పడుతాడు. ఇదే విషయాన్ని ఇంట్లో కావేరి, కూతురు స్వప్న, అల్లుడు కాశీలతో చెప్పుకుంటూ ఉంటాడు. తండ్రిగా ఎంత తపన పడుతున్నానో కార్తీక్ బాబుకు తెలియడం లేదని అంటాడు. అసలు కార్తీక్ బాబు ఇంకెప్పుడు నన్ను అర్థం చేసుకుంటాడో, ఆ శివ నారాయణ చెరశాల నుంచి ఎప్పుడు తప్పించుకుంటాడోనని వారి ముందు చెబుతాడు. ఉద్యోగం, రిచ్ లైఫ్ అన్నీ వదులుకొని కార్తీక్ బాబు ఇలా పేదవాడిగా బతకడం నాకు ఏమాత్రం నచ్చడం లేదని శ్రీధర్ అంటాడు. ఇక శ్రీధర్ మాటలు విన్నాక కాశీ తినే పళ్లెం ముందు నుంచి లేచి పోతాడు. దీంతో శ్రీధర్ మరింత ఆగ్రహం వ్యక్తం చేస్తాడు. నేను నిన్నేమీ అనలేదు కదా అల్లుడు కాశీ. నా కొడుకు పరిస్థితి గురించి చెబుతున్నాను. అయినా నువ్వు ఎందుకు ప్రతి దానికి మొహమాట పడుతున్నావు. ఏదీ అడగలేక పోతున్నావు. ఏమీ చెప్పలేకపోతున్నావు. ప్రతి దానికి ఏదో ఒక రకమైన దిగులుతో ఉంటున్నావు. ఇదేమీ బాగా లేదు కాశీ. నువ్వు ఎప్పటి లాగే ఫ్రీగా ఉండు. నిన్నేమీ అత్తమామలుగా మేము ఇబ్బంది పెట్టడం లేదు కదా. నువ్వు ఇబ్బంది పడాల్సిన అవసరం కూడా లేదు.
నీకు జాబ్ లేకపోయినా మేం ఏం అనడం లేదు కదా. నువ్వు ప్రతి విషయాన్ని నీకే ఆపాదించుకొని, నిన్నే అంటున్నారని ఎందుకు ఫీల్ అవుతున్నావు. నిన్ను ఇక్కడ ఎవ్వరూ ఏమీ అనడం లేదు. నువ్వు ఎప్పటిలాగే నీలా ఉండటానికి ప్రయత్నం చేయి. అప్పుడే నువ్వు అనుకున్నది చేయగలవు. ఇక నీ జాబ్ విషయానికొస్తే నువ్వు ఎంత సమయం అయినా తీసుకో. నెలా, 2 నెలలు, ఏడాది పాటు ఖాళీగా ఉన్న పర్లేదు. కావాల్సినంత సమయం తీసుకొని అనుకున్న జాబ్ లో సెటిల్ అవ్వు. ఎప్పుడు గెలిచే వాడు కాదు.. పడి గెలిచిన వాడిదే చరిత్ర అవుతుందని శ్రీధర్ తన అల్లుడు కాశీతో అంటూ ఉంటాడు. ఇక కాశీ కూడా సరే మామయ్య అని బదులిస్తాడు. ఇక శ్రీధర్ లో మార్పులు చూసిన తర్వాత కావేరి, స్వప్న ఇద్దరు షాక్ అవుతారు. కాశీకి కూడా వారు ధైర్యం చెప్పాలని ప్రయత్నిస్తారు.
మరోవైపు కాంచన కార్తీక్ బాబు ప్రవర్తనపై ప్రశ్నల వర్షం కురిపిస్తుంది. మీ నాన్న చెక్ ఇచ్చినా ఎందుకు తీసుకోకుండా ఆ ఇంట్లోనే పని మనిషిలాగా ఎందుకు పని చేస్తున్నావని కాంచన అడుగుతుంది. ఇదే సమయంలో శ్రీధర్ కూడా వస్తాడు. అసలు నీకు ఆ కుటుంబం పని మనిషిగా చేయాల్సిన అవసరం ఏముంది. నువ్వు చెక్ ఇచ్చినా తీసుకోలేదంటే.. నువ్వు జ్యోత్స్నతో పెట్టుకున్న అగ్రిమెంట్ కోసం కాకుండా ఇంకేదో పని మీదనే ఆ ఇంట్లో పని మనిషిలాగా ఉంటున్నావని శ్రీధర్ సందేహిస్తాడు. కానీ కార్తీక్ బాబు మాత్రం అలాంటిది ఏమీ లేదని బదులిస్తాడు. కానీ శ్రీధర్ అస్సలు వినిపించుకోడు. నాకు అసలు నిజం తెలియాల్సిందేనని కార్తీక్ బాబు వెంట పడుతాడు. బయటికి తీసుకెళ్లి మరీ ఎవ్వరూ లేని చోట అసలు విషయం చెప్పమని కార్తీక్ బాబును శ్రీధర్ అడిగినా చెప్పడు. కానీ దీపా కోసమే ఉంటున్నానని, దీపా రుణం తీర్చుకోవడానికే ఇలా చేస్తున్నానని అంటాడు. దీపా రుణం తీర్చుకోవడానికి ఆ ఇంట్లో పనిమనిషిగా ఉండటానికి కారణం ఏంటని మళ్లి ప్రశ్నించగా మున్నందు నీకె తెలుస్తుందని చెప్పి వదిలేస్తాడు. ఇక శ్రీధర్ కు కార్తీక్ బాబు నిజం చెప్పకపోవడంతో తానే నిజం తెలుసుకోవాలని అనుకుంటాడు. ఇక ఆ తర్వాత ఏం జరిగిందనేది నెక్ట్స్ ఎపిసోడ్ కు వాయిదా పడింది.
