Karthika deepam 2 November 27th: కోట్లు దోచిన జ్యోత్స్న.. బయట పెట్టిన శ్రీధర్.. శివనారాయణ ఫైర్
Karthika deepam 2 November 27th Episode 526 : కార్తీక దీపం 2 సీరియల్ రోజురోజుకు ఆసక్తికరంగా మారుతోంది. స్టార్ మా ఛానల్‌లో ప్రసారమవుతున్న ఈ ఫేమస్ సీరియల్ తాజా ఎపిసోడ్ మరింత ఇంట్రెస్టింగ్ గా మారింది. అయితే నవంబర్ 26వ తేదీ 525వ ఎపిసోడ్ లో దీపా ప్రెగ్నెంట్ తర్వాత జ్యోత్స్న చేసిన రచ్చపై ఆసక్తికరమైన సన్నివేశాలు సాగాయి. దీపా గర్భవతి అయిన సందర్భంగా ఇంట్లో వాళ్లందరూ ఫుల్ ఖుషీ అయ్యారు. కానీ ఆ విషయం తెలుసుకున్న తర్వాత జ్యోత్స్న మాత్రం కుట్రతో రగిలిపోయింది. దీపా విషయంలో శుభవార్తను ఊహించని విధంగా వినడంతో జీర్ణించుకోలేక పోయింది. ఎలాగైనా దీపాను మళ్లీ కష్టాల్లోకి నెట్టాలని కుట్రకు ప్లాన్ చేయాలని ఆలోచిస్తూ ఉంది. ఇదే సమయంలో దాసు జ్యోత్స్న మాటలను వింటూ ఉంటాడు. అంతే కాదు దీపా విషయంలో జ్యోత్స్న ఎలాంటి తప్పుడు పనులు చేసినా ఇకపై సహించేది లేదని హెచ్చరిస్తాడు. ఇప్పటికే తీరు మార్చుకోవాలని, శివ నారాయణ ఇంటికి అసలు వారసురాలు దీపానే అయినందున, దీపా కడుపులో ఉన్న బిడ్డ కూడా ఆ తర్వాత వారసత్వం అందుకుంటుందని చెప్పాడు.
దీపాను కష్టాలు పెట్టాలని చూస్తే నీ బంఢారం బయట పెడుతానని దాసు జ్యోత్స్నను హెచ్చరిస్తాడు. శివ నారాయణకు నువ్వు నా కూతురు అని చెప్పేస్తానని బెదిరించడంతో జ్యోత్స్న భయపడుతుంది. అలా చేయకు నాన్న అని ప్రాదేయ పడుతుంది. ఇక ఆ తర్వాత కార్తీక్ బాబు, దీపా ఎప్పటిలాగే శివ నారాయణ ఇంటికి పని మనుషులుగా డ్యూటీకి వస్తారు. ఈ సమయంలో దీపాతో శివ నారాయణ, దశరథ కొన్ని ఆసక్తికరమైన వ్యాఖ్యలు చేస్తారు. అమ్మ దీపా ఇప్పుడు నువ్వు వట్టి మనిషివి కూడా కాదు. నీ కడుపులో పండంటి శిశువు పెరుగుతుంది. అందుకని నువ్వు ఇంట్లో పని భారం పెంచుకోకూడదు. అలాగే గబగబా పరిగెట్టడం, ఒత్తిడి పెంచుకోవడం చేయకూడదని చెబుతారు. మరోవైపు ఆరోగ్యంపైన ప్రత్యేక శ్రద్ధ వహించాలని సూచిస్తారు. కానీ జ్యోత్స్న మాత్రం దీప ప్రెగ్నెన్సీ గురించి అసహ్యంగా మాట్లాడుతుంది. దీపకు కడుపు చేయించుకోవడంలో చాలా అనుభవమే ఉంది కదా అంటూ వినలేని మాటలు మాట్లాడుతుంది. దీంతో సుమిత్ర జ్యోత్స్న చెంపలు వాయిస్తుంది. అంతే కాదు అమ్మతనం గురించి జ్యోత్స్నకు అర్థమయ్యేలా విడమర్చి చెబుతుంది. ఇక ఆ తర్వాత ఏం జరిగిందనేది నవంబర్ 27వ తేదీ 527వ ఎపిసోడ్ లో చూద్దాం..
శివనారాయణకు కార్తీక్ భరోసా..
జ్యోత్స్న దీపా గురించి మాట్లాడిన మాటలకు శివ నారాయణ ఒళ్లు మండిపోతుంది. ఇక అప్పటికే సుమిత్ర గట్టిగా బుద్ధిచెప్పడంతో ఇక తన కోపాన్ని శివ నారాయణ అణుచుకుంటాడు. ఆ తర్వాత కార్తీక్ బాబును బయటికి తీసుకెళ్లి ఒక విషయం చెబుతాడు. పూజారి మన ఇంట్లో ఏదో ప్రమాదం ఉందని, సుమిత్ర, దశరథలను మరీ మరీ జాగ్రత్తగా ఉండాలని చెప్పారని అంటాడు. దీంతో వాళ్లకు ఏమౌతుందోనని భయంగా ఉందిరా అంటూ కార్తీక్ బాబుతో చెబుతాడు. దాంతో కార్తీక్ బాబు ఈ ఇంటికి ఉన్న అతి పెద్ద సమస్య జ్యోత్స్ననే తాతయ్య అని తన మనస్సులో అనుకుంటాడు. పూజారి చెప్పిన ప్రమాదం ఏ వైపు నుంచి వస్తుందో తెలియదు కానీ, జ్యోత్స్న నుంచి ఎప్పుడు ఎలాంటి ప్రమాదం వస్తుందోనని భయంగా ఉందని అనుకుంటాడు. ఇక ఆ విషయాన్ని బయటికి చెప్పడానికి ఇష్టపడడు. కానీ తాత శివ నారాయణకు మాత్రం ఇంటి బాధ్యత మొత్తం తనదేనని ఎలాంటి సమస్య వచ్చిన తాను ముందుండి పరిష్కరిస్తానని భరోసా ఇస్తాడు. దాంతో శివ నారాయణ మనస్సు కుదుట పడుతుంది.
Gunde Ninda Gudi Gantalu November 26th: మౌనికా జీవితం తలకిందులు.. బాలుపై నిందారోపణ
జ్యోత్స్న గుండె బద్దలయ్యే న్యూస్..
శివ నారాయణ అల్లుడు, కార్తీక్ బాబు తండ్రి శ్రీధర్ జ్యోత్స్న గురించి షాకింగ్ న్యూస్ చెబుతాడు. తమ కంపెనీ లెక్కలు, బాధ్యతలు అన్నీ చూడాలని సీఈవోగా శ్రీధర్ ను శివ నారాయణ ఎంపిక చేసిన సంగతి తెలిసిందే. దీంతో ఇక ఎప్పటికప్పుడు తమ కంపెనీ వ్యవహారాలు, లావాదేవీలు, కొన్నాళ్లుగా కంపెనీ పెట్టుబడులు, నష్టాలు, పక్కదారి మళ్లిన డబ్బు వివరాలును తాజాగా శ్రీధర్ శివనారాయణకు వివరిస్తాడు. ఈ సందర్భంగా శివ నారాయణ ఇంటికి వెళ్లి కంపెనీకి సంబంధించిన 2 కోట్ల 30 లక్షల రూపాయాలు పక్కదారి పట్టాయని చెబుతాడు. దీంతో శివ నారాయణ, దశరథ షాక్ అవుతుంది. ఇది ఎలా జరిగిందని శివ నారాయణ శ్రీధర్ ను ప్రశ్నిస్తాడు. వెంటనే జ్యోత్స్నను పిలిపించండి అని శ్రీధర్ చెబుతాడు. జ్యోత్స్న వచ్చిన తర్వాత కంపెనీ మాజీ సీఈవో అయిన జ్యోత్స్న అకౌంట్ కు 2 కోట్ల 30 లక్షలు ట్రాన్స్ ఫర్ అయినట్లు చూపిస్తోందని చెబుతాడు. దాంతో జ్యోత్స్న గుండె బద్ధలవుతుంది. ఇక శివ నారాయణ, దశరథ, కార్తీక్ బాబు, సుమిత్ర షాక్ అవుతారు.
Karthika deepam 2 November 26th: దీపాకు ఘోర అవమానం.. జ్యోత్స్న చెంపలు వాయించిన సుమిత్ర, దశరథ
జ్యోత్స్న కోట్లు ఎందుకు తప్పదీసిందంటే..
శ్రీధర్ తన గుట్టు రట్టు చేయడంతో జ్యోత్స్న అడ్డంగా దొరికిపోయానని కంగారు పడుతుంది. అసలు అంత పెద్ద మొత్తంలో డబ్బులు తీయాల్సిన అవసరం నీకు ఏమొచ్చిందని శివ నారాయణ, దశరథ అడుగుతారు. ఇక పారుజాతం మాత్రం జ్యోత్స్న చెంపలు వాయించి సమాధానం చెప్పమని అంటుంది. దాంతో జ్యోత్స్న నోరు విప్పుతుంది. అసలు ఆ డబ్బులతో నేను సేవ చేయాలని అనుకున్నానని అంటుంది. అలాంటప్పుడు కంపెనీ అకౌంట్ తో ట్రాన్స్ ఫర్ చేయొచ్చు కదా.. నీ పర్సనల్ అకౌంట్ కు ఎందుకు ట్రాన్స్ ఫర్ చేయించుకున్నావని ప్రశ్నిస్తారు. దాంతో జ్యోత్స్న ఆ డబ్బులతో సిటీ ఔట్స్ కట్ లో పెద్ద ఓపెన్ ల్యాండ్ కొనుగోలు చేశానని, అది కూడా అమ్మ సుమిత్ర కోసం కొన్నానని చెబుతుంది. అమ్మానాన్నల పెళ్లిరోజుకు సర్ ప్రైజ్ ఇద్దామని అనుకున్నానని సమాధానం ఇస్తుంది. కానీ ఆ విషయం చెప్పే సమయానికి అమ్మ ఇంట్లో లేకపోయిందని అంటుంది. ఆ తర్వాత మళ్లీ సర్ ప్రైజ్ చేసేందుకు సరైన సమయం రాలేదని బదులిస్తుంది. అయితే జ్యోత్స్న చెప్పిన మాటలకు కార్తీక్ బాబు ఆసక్తికరంగా స్పందిస్తాడు. నువ్వు చెప్పేవన్నీ పచ్చి అబద్ధాలు అని తిప్పికొడుతాడు. ఇక కార్తీక్ బాబు ఏం చెప్పబోతున్నాడనేది తర్వాతి ఎపిసోడ్ కు వాయిదా పడింది.
