Gunde Ninda Gudi Gantalu November 27th: బయటపడ్డ మనోజ్ బంఢారం.. ప్రభావతికి పక్షవాతం.. బాలు మాస్టర్ ప్లాన్

Gunde Ninda Gudi Gantalu Serial: గుండె నిండా గుడి గంటలు సీరియల్ తెలుగు టెలివిజన్ డైలీ సీరియల్స్‌లో మంచి రేటింగ్‌తో ఆసక్తికరంగా కొనసాగుతోంది. రోజురోజుకు కొత్త ట్విస్ట్ లతో ఆకట్టుకుంటోంది. గుండె నిండా గుడి గంటలు నవంబర్ 26వ తేదీ 560 ఎపిసోడ్‌లో ఆసక్తికరమైన సన్నివేశాలు జరిగాయి. కార్తీకదీపాలు వెలిగించడానికి గుడికి వెళ్లిన బాలు కుటుంబ సభ్యులందరినీ ఆ ఇంటి ఆడపడుచు మౌనికా వచ్చి గుడిలోనే కలిసిన సంగతి తెలిసిందే. ఇదే సమయంలో మౌనికా భర్త కూడా గుడికి వచ్చి మౌనికాపై చేయి చేసుకుంటాడు. దాంతో బాలు వెంటనే సంజూపై తిరగబడుతాడు. అంతే కాదు తన చెల్లి జోలికి వస్తే ఏమాత్రం సహించనని చెప్పి హెచ్చరిస్తాడు. బాలు సంజూను హెచ్చరిస్తూ ఉంటే కుటుంబ సభ్యులు అందరూ ఆపే ప్రయత్నం చేస్తారు. కానీ చెల్లెలు మౌనికా మాత్రం బాలు గుండెలను బద్ధలు చేస్తుంది. సంజూకు సపోర్ట్ చేస్తూ తన అన్నయ్య బాలును చెంప దెబ్బ కొడుతుంది.

తన భర్త సంజూకు తనకు మధ్య చాలా సమస్యలు ఉంటాయని, భార్య భర్తలు అన్నాకా ఇవన్నీ సర్వసాధారణమే అని చెబుతుంది. దాంతో సంజూ మౌనికా మాటలకు శాంతిస్తాడు. బాలు మాత్రం తన చెల్లి బాధపెట్టే మాటలకు జీర్ణించుకోలేక పోతాడు. ఆ తర్వాత మౌనికా సంజూతో కలిసి ఇంటికి వెళ్లిపోతుంది. ఇకపై పుట్టింటి వాళ్లతో అస్సలు మాట్లాడొద్దని సంజూ, మామ నీలకంఠం వార్నింగ్ ఇస్తారు. అందుకు మౌనికా ఓకే అని చెబుతుంది. మరోవైపు బాలుపై ఇంటిల్లిపాది ఆగ్రహం వ్యక్తం చేస్తుంది. అసలు నీకు ఎందుకంత కోపమంటూ అందరూ బాలు ప్రవర్తనపై మండి పడుతారు. ముఖ్యంగా తండ్రి సత్యం బాలు ఆవేశాన్ని తప్పుపట్టడంతో ఫీల్ అవుతాడు. కానీ మీనా మాత్రం మౌనికాను సంజూ ముప్పు తిప్పలు పెడుతున్నాడని పరోక్షంగా చెబుతుంది. కానీ సత్యం, ప్రభావతికి, ఇంట్లో వాళ్లకు అర్థం కాదు. ఇక ఆ తర్వాత ఏం జరిగిందనేది నవంబర్ 27వ తేదీ 563వ ఎపిసోడ్ లో చూద్దాం..

బాలు ఆవేదన.. ఓదార్చిన మీనా..

తన చెల్లెలు చేసిన పనికి బాలు బాధ పడుతాడు. సంజూ భారీ నుంచి కాపాడుదాం అని ప్రయత్నించిన బాలుకే ఎదురు దెబ్బ తగులుతుంది. అసలు బాలును ఎవ్వరూ అర్థం చేసుకోరు. అసలు సంజూను కొట్టడం వల్ల తనదే తప్పని తండ్రి సత్యం తేల్చేస్తాడు. ఇక తన తండ్రి మాటలకు బాలు బాధ పడుతాడు. అసలు నేను చేసిన దాంట్లో తప్పేమీ ఉందని ఆలోచిస్తూ ఆవేశంతో ఊగిపోతాడు. అంతే కాదు మౌనికా కూడా అసలు ఎందుకు నోరు విప్పి నిజం చెప్పడం లేదని మదన పడుతాడు. ఇక అందరిలో తానే అలుసు అయిపోతున్నానని బాధ పడుతాడు. దాంతో బాలును అలా చూడలేక మీనా బాలు మనస్సును శాంత పరుస్తుంది. నువ్వు అందరి గురించి, అన్నీ విషయాలు ఆలోచించడం మానేయడం మంచిదని చెబుతుంది. ఇంటి పైనా పడుకోవడానికి అన్నీ ఏర్పాట్లు చేశానని, ప్రశాంతంగా వెళ్లి పడుకోమని బాలుకు చెబుతుంది. కానీ బాలు మాత్రం తన చెల్లి మౌనికా విషయంలో అందరూ తననే తప్పు బట్టడాన్ని తలుచుకుంటూ బాధ వ్యక్తం చేస్తాడు. ఇక మీనా బాలును ఓదార్చుతుంది. బాలు ఆలోచనలను మనోజ్ వైపు డైవర్ట్ చేస్తుంది. గుడిలో మనోజ్ మిస్ అయ్యాడు కదా.. మరీ మనోజ్ లెక్క తేల్చడం ఎలా అని చెబుతుంది. దాంతో బాలు మనస్సు మనోజ్ వైపు మళ్లుతుంది.

Gunde Ninda Gudi Gantalu November 26th: మౌనికా జీవితం తలకిందులు.. బాలుపై నిందారోపణ

మనోజ్ గుట్టు తెలుసుకున్న బాలు..

మీనా మాటలతో బాలు శాంతిస్తాడు. ఇక చెల్లి మౌనికా చేసిన పనిని, ఇంట్లో తన తండ్రి సత్యం అన్న మాటలను పెద్దగా పట్టించుకోడు. దృష్టి మొత్తం అన్న మనోజ్ పైనే పెడుతాడు. ఇంట్లో బంగారు నగలు గిల్ట్ నగలు ఎలా అయ్యాయో లెక్కలు తేల్చుతానని అంటాడు. గుడిలో తప్పించుకున్నా కూడా నా నుంచి తప్పించుకోవడం అస్సలు సాధ్య పడదని మీనాతో చెబుతాడు. తెల్లారాక ఒక స్వామీజీని కలిసి వీరి గుట్టు రట్టు చేసే ప్రయత్నం చేస్తానని చెబుతాడు. ఇక తెల్లవారిన తర్వాత బాలు నేరు మనోజ్ పార్క్ ఫ్రెండ్ దగ్గరకు వెళ్తాడు. మనోజ్ గుట్టు తెలుసుకోవడానికి అప్పుగా 2 లక్షలు బ్రదర్ అని అడుగుతాడు. మా అన్న మనోజ్ కు ఇచ్చినట్టే నాకు కూడా కాస్తా అప్పు ఇచ్చి సాయం చేస్తే వీలైనంత త్వరగా వడ్డీతో తిరిగి ఇస్తానని అంటాడు. దాంతో అతను నా దగ్గర అన్నీ డబ్బులు లేవని చెబుతాడు. మరీ మావోడి 4 లక్షలు ఇచ్చావు కదా అని ప్రశ్నిస్తాడు. ఆ డబ్బులు ఇచ్చింది నేను కాదని, మీ ఇంట్లో బంగారం అమ్మేశాడని అసలు విషయం బయట పెడుతాడు. మనోజ్ గురించి స్పష్టంగా తెలియడంతో బాలు రగలిపోతాడు. అదే ఆవేశంతో ఇంటికి తిరిగి వెళ్తాడు.

Karthika deepam 2 November 27th: కోట్లు దోచిన జ్యోత్స్న.. బయట పెట్టిన శ్రీధర్.. శివనారాయణ ఫైర్

బాలు మాస్టార్ ప్లాన్..

అన్న మనోజ్ గురించి అసలు విషయం తెలిసి పోవడంతో బాలు మాస్టర్ ప్లాన్ వేస్తాడు. ఎలాగైనా మనోజ్ చేతనే నిజం చెప్పించాలని అనకుంటాడు. ఇందుకోసం ఒక మంత్రగాడి దగ్గరకు వెళ్లిన మంత్రించిన నిమ్మకాయను తీసుకొచ్చినట్టుగా వేషధారణ మారుస్తాడు. నుదిట బొట్టు, మెడలో స్పటిక, రుద్రాక్ష మాలతో పాటు కుంకుమ, పసుపుతో ఉన్న నిమ్మకాయను తీసుకొని వెళ్తాడు. ఇక ఇంట్లోకి వెళ్లిన తర్వాత అందరినీ పిలుస్తాడు. నేను ఒక స్వామిజీ దగ్గరకు వెళ్లానని, బంగారం దొంగల గురించి ఇప్పుడు ఈజీగా తెలిసిపోతుందని అంటాడు. ఆ స్వామీజీ ఇచ్చిన నిమ్మకాయ ఇంట్లో ఒక్క రోజు ఉంటే చాలని, తెల్లవారే సరికి ఆ బంగారం దొంగలించిన వారి శరీరంలో అవయవాలన్నీ పడిపోతాయని చెప్పి భయపెడుతాడు. మనోజ్, ప్రభావతిని చూస్తూ మరింతగా భయపెట్టేలా మాట్లాడుతాడు. ఆ తర్వాత నిమ్మకాయను తీసుకెళ్లి ఇంట్లో ఓ చోట దాచేస్తాడు. ఇక ఆ తర్వాత ఏం జరిగిందనేది నెక్ట్స్ ఎపిసోడ్ కు వాయిదా పడింది.

Gunde Ninda Gudigantalu Latest Promo

గుండె నిండా గుడి గంటలు నవంబర్ 27వ ఎపిసోడ్ ముగింపులో ఆసక్తికరమైన ప్రోమోను విడుదల చేశాయి. తర్వాయి భాగంలో మనోజ్, ప్రభావతి ఇద్దరు మనోజ్ మాటలకు భయపడిపోతారు. మంత్రించిన నిమ్మక ఇంట్లో ఉండటంతో తమ ఆరోగ్యానికి ఏమౌతుందోనని భయంతో వణికిపోతారు. ఇక అందరూ పడుకున్న తర్వాత అర్ధరాత్రి లేచి ఒకరిని ఒకరు చూసుకోని భయపడుతారు. ఆ నిమ్మకాయను భయటపడేయాలని నిర్ణయించుకుంటారు. కానీ చివరల్లో వారికి కాళ్లు చేతులు పడిపోయి, పక్షవాతం వచ్చినట్టుగా చూపించి తర్వాత ఎపిసోడ్ పై మరింత ఆసక్తిని పెంచారు. ఈ సందర్భంగా ఏం జరిగిందనేది నెక్ట్స్ ఎపిసోడ్ పై ఇంట్రెస్ట్ ను క్రియేట్ చేసింది.