Gunde Ninda Gudi Gantalu November 25th: మనోజ్ గుట్టురట్టు.. బాలు మాస్టర్ ప్లాన్‌కు బలి.. ప్రభావతికి బిగ్ షాక్

Gunde Ninda Gudi Gantalu Serial: గుండె నిండా గుడి గంటలు సీరియల్ తెలుగు టెలివిజన్ డైలీ సీరియల్స్‌లో మంచి రేటింగ్‌తో ఆసక్తికరంగా కొనసాగుతోంది. రోజురోజుకు కొత్త ట్విస్ట్ లతో ఆకట్టుకుంటోంది. గుండె నిండా గుడి గంటలు నవంబర్ 24వ తేదీ 560 ఎపిసోడ్‌లో కుటుంబ సమేతంగా అందరూ కలిసి గుడికి వెళ్లిన సంగతి తెలిసిందే. ముగ్గురు కోడళ్లతో దేవాలయంలో కార్తీక దీపాలను వెలిగించేందుకు ప్రభావతి వారందరినీ తీసుకొని గుడికి వెళ్తుంది. ఈ క్రమంలో బాలు మీనా, మనోజ్ రోహిణి, శృతి రవి, ప్రభావతి సత్యం, మరోవైపు ఆ ఇంటి ఆడ పడుచు మౌనికా కూడా వస్తుంది.

ఈ సందర్భంగా అందరూ సంప్రదాయ దుస్తుల్లో చూడ ముచ్చటగా కనిపించారు. తమ కట్టుబొట్టుతో ఆధ్యాత్మికతను కనబరిచారు. అయితే కుటుంబ సమేతంగా అందరూ గుడికి వచ్చిన సందర్భంగా తన అన్న మనోజ్ చేస్తున్న కుట్రలను, మోసాన్ని బాలు బయట పెట్టాలని చూస్తాడు. ఇప్పటికే మనోజ్ నకిలీ బంగారు అభరణాల విషయంలో తప్పుడుగా మాట్లాడుతున్న సంగతి తెలిసిందే. దీంతో గుడిలో దేవుడి సమక్షంలో బాలు మనోజ్ చేత నిజం చెప్పించాలని ప్రయత్నిస్తాడు. అందుకు ఒక వ్యక్తిని దేవదూతగా ఏర్పాటు చేయించి గుడిలో మనోజ్ ను కొట్టిస్తాడు. నిజం చెప్పమంటూ, నువ్వు ఏఏ తప్పులు చేశావో నాకు తెలుసు అని అంటాడు. దీంతో కుటుంబం మొత్తం షాక్ అవుతుంది. ఇక ఈ రోజటి గుండె నిండా గుడి గంటలు నవంబర్ 25వ తేదీ 561వ ఎపిసోడ్ మరింత ఆసక్తికరంగా సాగింది..

కుటుంబం మొత్తం కలిసి ఇంటి నుంచి గుడికి బయల్దేరుతారు. అందరు పట్టు వస్త్రాల్లో సంప్రదాయ లుక్ లో ఆకర్షణీయంగా కనిపించారు. దీంతో ఒకరిపై మరొకరు పొగడ్తలు కుమ్మరించుకుంటారు. ఇక బాలును మీనా పొగడటం చూసి అటు శృతి, రోహిణి కూడా తమ భర్తలను పొగుడుతారు. అంతేకాదు ప్రభావతి కూడా తన భర్త సత్యంను పట్టు వస్త్రాల్లో బంగార్రాజులా ఉన్నావంటూ ఆకాశానికి ఎత్తుతుంది. ఇలా అందరూ ఆనందంలో మునిగి తేలిపోతారు. ఇక గుడికి ఆలస్యం అవుతుందని చెప్పి సత్యం అందరినీ బయల్దేర్దామని అంటాడు. అందరు కలిసి కారులో శివాలయం గుడికి వెళ్తారు. ఇక గుడికి వెళ్లిన సమయంలో బాలు మనోజ్ విషయంలో ఒక కీలక నిర్ణయం తీసుకుంటాడు. కొన్నాళ్లుగా మనోజ్ చేస్తున్న మోసాన్ని బయట పెట్టాలని అనుకుంటాడు.

మనోజ్ కు గుణపాఠం..

అయితే గుడిలోకి వెళ్లిన సమయంలో బాలుకు తెలిసిన ఒక తాగుబోతు గుడిలోని భక్తులను డబ్బులు అడుక్కుంటూ ఉంటాడు. అదే సమయంలో బాలు అతని దగ్గరకు వెళ్లిన తాగడం కోసం డబ్బులు అడుక్కోవడం ఏమాత్రం సిగ్గుగా అనిపించడం లేదా? అని ప్రశ్నిస్తాడు. ఇక అతను తన దగ్గర ఉన్న డబ్బులు మొత్తం తన భార్య తీసుకుందని, తాగడానికి అస్సలు డబ్బులు లేవని చెబుతాడు. అందుకే ఇలా గుడి ముందు అడుక్కుంటూ ఉన్నానని అంటాడు. కాస్తా డబ్బులు ఇచ్చి సాయం చేయి గురు అని బాలుతో అంటాడు. కానీ బాలు నేను చెప్పిన పని చేస్తే నువ్వు అడిగిన దానికంటే ఎక్కువ డబ్బులే ఇస్తానని ఆశ చూపిస్తాడు. నేను ఏదైతే చెబుతానో సరిగ్గా అదే చేయాలని అంటాడు. ఇక తనకూ ఎలాంటి అవకాశం లేకపోవడంతో ఆ తాగుబోతు డబ్బుల కోసం బాలు చెప్పింది చేయడానికి సిద్ధపడుతాడు. అయితే బాలు మనోజ్ ను ఆ తాగుబోతుకు చూపించి చెవిలో పలు విషయాల గురించి చెబుతాడు. ఆ తర్వాత మళ్లీ బాలు ఏం తెలియనట్టుగా వెళ్లి కుటుంబంతో కలిసిపోతాడు.

Karthika deepam 2 November 25th: తండ్రి దాసును ప్రాదేయపడిన జ్యోత్స్న.. దీపా ఎదురు దెబ్బకు విలవిల

కొద్ది సమయం తర్వాత ఆ తాగుబోతు గుడిలో దేవుడు పూనిన వేషంలోకి మారిపోతాడు. నేరుగా మనోజ్ దగ్గరకు వస్తాడు. మనోజ్ ను చూసి గట్టిగా పట్టుకుంటాడు. అంతే కాదు ఏమీ చెప్పకుండా మనోజ్ ను కొడుతూనే ఉంటాడు. ఇప్పటికే నువ్వు ఎన్నో తప్పులు చేశావు. ఇప్పటికీ తప్పులు చేస్తూనే ఉన్నావు. ఇటీవల మరో పెద్ద తప్పు చేశావు. నీ కుటుంబ సభ్యులను నువ్వు మోసం చేస్తున్నావు. అదేంటో నువ్వు చెబుతావా? లేదా? అని అతను మనోజ్ ను కొడుతూనే ఉంటాడు. మనోజ్ మాత్రం తనకేం విషయం తెలియదని అంటాడు. లేదు నువ్వు ఇప్పుడు నిజం ఒప్పుకోవాల్సిందే. ఇటీవల నువ్వు చేసిన పెద్ద మోసం గురించి చెబుతావా? లేదా? అని పదే పదే అడుగుతూ మనోజ్ ను గట్టిగా కొడుతూనే ఉంటాడు. మనోజ్ అతని దెబ్బలకు అమ్మో.. అయ్యో.. అని అరుస్తూనే ఉంటాడు. ఇక ప్రభావతి కొడుకు బాధను చూడలేకపోతుంది. మిగిలిన వారందరూ కూడా అతన్ని ఆపకుండా అసలు ఎందుకు కొడుతున్నాడు? మనోజ్ ఏమైనా చెబుతాడా? అని ఎదురుచూస్తూ ఉంటారు.

బాలు ప్లాన్ విఫలం..

అయితే, మీనాకు మాత్రం బాలు ఇదంతా తన పనేనని చెబుతాడు. ఇక మనోజ్ అసలు విషయం చెప్పడానికి సిద్ధం అవుతాడు. ఇదే సమయంలో ప్రభావతి కూడా తన కొడుకును ఇప్పటికే చాలా కొట్టావని, దేవుడి రూపంలో ఉన్న మీకు అన్నీ తెలుసు కదా ఇక వదిలేయండని అతనిని వేడుకుంటుంది. అయినా కూడా అతను మనోజ్ నిజం చెప్పాల్సిందేనని బలవంతం చేస్తూనే ఉంటాడు. అయితే మనోజ్ నోరు విప్పి బంగారు నగలు నకిలీ నగలు ఎలా అయ్యాయో చెప్పబోతుంటే ఊహించని సన్నివేశం జరుగుతుంది. దేవుడు పూనిన వేషధారణలో వచ్చిన ఆ వ్యక్తి భార్య ఎంట్రీ ఇస్తుంది. అతని చెవి పట్టుకొని తాగుడుకు డబ్బులు ఇవ్వడం లేదని ఇలాంటి వేషాలు కడుతున్నావా? అని చురకలు అంటిస్తుంది. నీ సంగతి ఇక్కడ కాదు ఇంటికి వెళ్లాకా చెబుతానని అతన్ని ఇంటికి తీసుకొని వెళ్లిపోతుంది.

The Raja Saab : ప్రభాస్‌తో యంగ్ బ్యూటీ రొమాన్స్.. ది రాజా సాబ్‌లో 4వ హీరోయిన్ ఎవరో తెలుసా?

దాంతో బాలు అనుకున్న ప్లాన్ విజయవంతం కాదు. దాంతో బాలు అప్సెట్ అవుతాడు. ఆ తాగుబోతు వ్యక్తి వెళ్లిపోవడంతో మనోజ్ ఊపిరి పీల్చుకుంటాడు. ఈసారికి బతికిపోయానని అంటాడు. నువ్వు ఒక్కడివే కాదురా అయ్యా.. నేను కూడా బతికిపోయాను అని తల్లి ప్రభావతి మనసులో అనుకుంటుంది. ఒకవేళ నువ్వు నిజం చెప్పి ఉంటే ఇప్పుడు పరిస్థితి మరోలా ఉండేదని ఊహించుకొని భయపడుతుంది. ఆ వెంటనే శృతి, రోహిణి స్పందిస్తూ ఇంత మంది ఉండగా అసలు అతను మనోజ్ నే ఎందుకు టార్గెట్ చేశాడని సందేహిస్తారు. పైగా మనోజ్ చేసిన తప్పులన్నీంటి గురించి చెబుతున్నాడని ప్రశ్నిస్తారు. ఇది ఎలా సాధ్యమైందని ఆలోచనలో పడతారు. ఇక సత్యం జోక్యం చేసుకొని దీపాలు వెలిగించండి ముందు, సమయం అయ్యిపోతుందని చెప్పి ముందుకు నడిపిస్తాడు. ఇక బాలు మాత్రం మనోజ్ ను అస్సలు వదిలే ప్రసక్తే లేదని అంటాడు.

మౌనికాకు సంజూ వార్నింగ్.. 

మరోవైపు బాలు చెల్లెలు మౌనికా గుడికి రావాలని ప్రయత్నిస్తుంది. ఇంట్లో తన శాడిస్ట్ భర్త సంజూ అనుమతి కోరుతుంది. అప్పటికే మౌనిక అత్తమ్మ అనుమతి ఇస్తుంది. పైగా కలిసే వెళ్దామని చెబుతుంది. కానీ సంజూ మాత్రం మౌనికాకు వార్నింగ్ ఇస్తాడు. నువ్వు కేవలం గుడికి మాత్రమే వెళ్లి ఇంటికి రావాలని అంటాడు. అలా కాకుండా మీ అన్న వాళ్ల ఇంటికి, మీ నాన్న వాళ్ల ఇంటికి అని వెళ్తే మాత్రం పరిస్థితి చాలా దారుణంగా ఉంటుందని చెప్పి హెచ్చరిస్తాడు. అందుకు మౌనికా కూడా సరేనని చెప్పి గుడికి వెళ్తుంది. మౌనికా ఇంట్లో నుంచి గుడికి బయల్దేరడంతోనే మామ నీలకంఠం ఇంటికి వస్తాడు. తన పొలిటికల్ ప్రొగ్రామ్స్ అన్నీ పూర్తి చేసుకుని తిరిగి వస్తాడు. వచ్చీ రాగానే కోడలు మౌనికపై కొడుకుకు చాడీలు చెబుతాడు. మౌనికా నీ మాట ఏమాత్రం వినడం లేదని చెప్పి తన కొడుకు సంజూను రెచ్చగొడుతాడు. మనకు తెలియకుండా నీ భార్య మౌనికా తన పుట్టింటికి దర్జాగా వెళ్తూ వస్తోందని అంటాడు.

అల్లు శిరీష్ ఎంగేజ్‌మెంట్‌.. తనకు కాబోయే భార్య ఎంతటి రిచ్ తెలుసా?

తండ్రి చెప్పిన మాటలు విన్న తర్వాత సంజూ షాక్ అవుతాడు. మీరు చెప్పే మాటలు నాకు అర్థం కావడం లేదు నాన్న అని బదులిస్తాడు. మౌనికా నాకు చెప్పకుండా ఏ పని చేయడం లేదు. తనకు నేనంటే చాలా భయం. నాకు తెలియకుండా ఏ పని చేసినా ఆ తర్వాత పరిణామాలను చాలా భయంకరంగా ఉంటాయనే సంగతి మౌనికాకు కూడా తెలుసు నాన్న అని సంజూ తన తండ్రి నీలకంఠానికి బదులిస్తాడు. కానీ నీలకంఠం మాత్రం నువ్వు భ్రమలో ఉన్నావని సంజూ గాలి తీస్తాడు. ఆడవాళ్లు, ముఖ్యంగా నీ భార్య మౌనికా ఏం చేయాలనుకున్నా వెంటనే చేసేస్తుంది. అందుకు నీ అనుమతి తీసుకోవాల్సిన అవసరం కూడా తనకు లేదని భావిస్తుంది. తను తన పుట్టింటికి వెళ్లాలని అనుకుంటే ఎవ్వరు ఎన్ని చెప్పినా వినదు. తప్పనిసరిగా వెళ్తుందని నీలకంఠం అంటాడు. సంజూ స్పందిస్తూ.. అలా ఏమాత్రమూ జరగడం లేదు నాన్న అని బదులిస్తాడు. దాంతో నీలకంఠం ఫైర్ అవుతాడు. వెంటనే ఒక ఫోటో తీసి చూపిస్తాడు. ఈ ఫొటోలో నీ భార్య తన కుటుంబంతో కలిసి ఎంత సంతోష పడుతుందో చూశావా? అని సంజూను ప్రశ్నిస్తాడు.

మనోజ్ పై సంజూ ఎటాక్..

నీకు తెలియకుండానే మౌనికా తన పుట్టింటికి వెళ్తూ వస్తోంది. గుడికి వెళ్తున్నాననే సాకు మొన్న తన బామ్మ పుట్టిన వేడుకలకు వెళ్లి ఎంజాయ్ చేసిందని సంజూను రెచ్చగొడుతాడు. ఆ ఫొటో చూసిన వెంటనే సంజూ ఫైర్ అవుతాడు. ఇక తల్లి కూడా తనకు మౌనికా గురించి నిజాలు చెప్పడం లేదని కోపం చేస్తాడు. వెంటనే మౌనికా వెళ్లిన శివాలయానికి వెళ్తాడు. శివాలయంలో మౌనికా తన కుటుంబాన్ని కలుస్తుంది. మౌనికా కనిపించడంతో అందరూ సంతోషిస్తారు. సమయానికి వచ్చావమ్మా అని మౌనికాతో అంటారు. వెంటనే కార్తీకదీపాలు వెలిగిస్తారు. ఇదే సమయంలో మౌనికాకు పట్టువస్త్రం, పసుపు, కుంకుమ పెట్టాలని ప్రభావతి తన కోడళ్లకు చెబుతుంది. వాళ్లు ప్రభావతి చెప్పినట్టుగా చేసే సమయంలో సంజూ ఎంట్రీ ఇస్తాడు. మౌనికా చేతిలో పెట్టిన చీర, పసుపు, కుంకుమను గాళ్లోకి ఎగరేస్తాడు. నీ కుటుంబం దగ్గరకు వెళ్లకూడదని చెప్పిన కదనే అని అందరి ముందే మౌనికా చెంప వాయిస్తాడు. దీంతో బాలు రక్తం మరిగిపోతుంది. సంజూ గల్లా పట్టుకొని చంపేస్తానని ప్రతిదాడికి యత్నిస్తాడు. కానీ సత్యం, ప్రభావతి, రవి, మీనా అడ్డుకుంటారు. సంజూతో మౌనికా వెళ్లిపోతుంది. ఇక సత్యం తన కూతురు మౌనికా అత్తారింట్లో సుఖంగా ఉండటం లేదని తెలుసుకొని బాధపడుతాడు. ఆ తర్వాత ఏం జరిగిందనేది గుండె నిండా గుడిగంటలు నెక్ట్స్ ఎపిసోడ్ కు వాయిదా పడింది.