Gunde Ninda Gudi Gantalu Octobert 7th : ఇంటికి తిరిగి వచ్చిన మీనా.. షాక్‌లో బాలు.. అసలు ఎక్కడికి వెళ్లిందంటే?
Gunde Ninda Gudi Gantalu : గుండె నిండా గుడి గంటలు సీరియల్ తెలుగు టెలివిజన్ డైలీ సీరియల్స్‌లో మంచి రేటింగ్‌తో ఆసక్తికరంగా కొనసాగుతోంది. రోజురోజుకు కొత్త ట్విస్ట్ లతో ఆకట్టుకుంటోంది. ఇక అక్టోబర్ 6వ తేదీ 525వ ఎపిసోడ్ ఆసక్తికరంగా సాగిన సంగతి తెలిసిందే. మీనా ఎవ్వరికి చెప్పకుండా ఇంట్లో నుంచి వెళ్లిపోవడంతో బాలు ఎంతో కంగారు పడ్డాడు. బాలుతో పాటు తండ్రి సత్యం, రవి, రాజేష్ కూడా మీనా ఆచూకీ కోసం ఎంతగానో వెతికేందుకు ప్రయత్నించారు. కానీ ఎక్కడ వెతికినా కూడా మీనా ఎక్కడ ఉన్నదనే సంగతి తెలియలేదు. దీంతో బాలు ఇంకా కంగారు పడుతూ ఉంటాడు. చివరిగా మీనా వాళ్ల ఇంటికి ఫోన్ చేసి అడిగినా కూడా రాలేదనే చెబుతారు. ఇక బాలు ఫోన్ చేసి సడెన్ గా అలా అడగడంతో మీనా ఇంట్లో లేదని మీనా తల్లి, చెల్లి, తమ్ముడు కూడా కంగారు పడుతారు.
మరోవైపు మీనా ఇంటికి ఇంకా తిరిగి రాలేదనే దిగులు ప్రభావతికి ఏమాత్రం కనిపించదు. కానీ విషయం తన వదినా కామాక్షి తెలియడంతో ఇంటికి వచ్చి ప్రభావతిని భయపెడుతుంది. నీ వల్లనే మీనా ఇంట్లో నుంచి వెళ్లిపోయిందనే విషయం అందరికీ తెలిస్తే ఏం చేస్తావని ప్రభావతిని ప్రశ్నిస్తుంది. నేను పంపించాలని ఎవరు అంటారు. దానికి నాకు ఎలాంటి సంబంధం లేదు. మీనా ఇంట్లో నుంచి వెళ్లిపోయేప్పుడు అసలు నాకు చెప్పే వెళ్లలేదు. ఇక నేను ఎలా బాధ్యత వహిస్తానని ప్రభావతి అంటుంది. దాంతో కామాక్షి స్పందిస్తూ మీనా ఒక వేళ ఆత్మహత్య చేసుకుంటే, గృహ హింస చట్టం కింద నీపైనా కేసు నమోదు చేస్తే ఎలా అని ప్రభావతికి భయం పుట్టేలా చేస్తుంది. ఇలా చేసే ముందు మీనా కచ్చితంగా ఏదైనా ఒక లెటర్ రాసే ఉంటుంది. వెళ్లి వెతుకుదాం అని అంటుంది. ఈ క్రమంలో శృతికి ఒక లెటర్ దొరుకుతుంది. ఇక అందులో ఏముందనేది నెక్ట్స్ ఎపిసోడ్ పై ఆసక్తి నెలకొంది. ఇక అక్టోబర్ 7వ తేదీ 526 ఎపిసోడ్‌లో ఏం జరిగిందంటే..?
మీనా తనపై పోలీసు కేసు నమోదు చేసిందో, లేక ఎవ్వరికీ చెప్పకుండా వెళ్లి ఆత్మహత్య చేసుకోవాలని ప్రయత్నించిందా అనేది తెలియక ప్రభావతి టెన్షన్ పడుతుంది. మీనా తిరిగి ఇంటికి రాకపోతే అందరూ తననే అంటారనే సంగతి మాత్రం ప్రభావతికి అర్థం అవుతుంది. ఈ క్రమంలోనే మీనా గదిలో ఒక లెటర్ దొరుకుతుంది. ఆ లెటర్ ను కామాక్షి చదువుతుంది. నా చావుకు ఒక్కరు మాత్రమే కారణం. తను నన్ను ఎంతలానో హింసించింది. ఆమె వల్లనే నేను ఈ రోజు ఇలాంటి నిర్ణయం తీసుకుంటున్నాను. నన్ను మా అత్త ఎంత ఇబ్బంది పెట్టిందో మా కామాక్షి పిన్నికి తెలుసు. మా అత్తను మాత్రం అరెస్ట్ చేసి జైలులో బంధించండి. ఇక మా అమ్మనాన్నలకు ఇవే నా చివరి మాటలు. ఆరోగ్యంగా ఉండండి. చెల్లి, తమ్ముడు మీరు బాగా చదువుకోండి. మా అత్తను మాత్రం వదిలిపెట్టకండి…. అని కామాక్షి లెటర్ చదువుతుంది. దీంతో ప్రభావతి ఒంట్లో వణుకు పుడుతుంది. ఇక తనను పోలీసులు వచ్చి అరెస్ట్ చేసి తీసుకు వెళ్లినట్టుగా ఊహించుకుంటుంది. వణికిపోతుంది. ఆ వెంటనే ఆ కామాక్షి ఈ లెటర్ లో అంతా ఏమీ లేదు. అన్నీ కూరగాయల లిస్ట్ రాసి ఉందని చెప్పి శాంత పరుస్తుంది.
మరోవైపు అక్క మీనా కనిపించడం లేదనే విషయాన్ని తెలుసుకున్న తర్వాత శివ నేరుగా ఫైనాన్షియర్ గుణ దగ్గరకు వెళ్తాడు. గుణ మా అక్క కనిపించడం లేదు. నాకు ఎందుకో కాస్తా టెన్షన్ గా ఉందని చెబుతాడు. దాంతో గుణ ఇదే మంచి అవకాశం అనుకొని శివను పోలీస్ స్టేషన్ కు వెళ్లి మీ బావ మీద కంప్లైంట్ ఇవ్వమని చెబుతాడు. ఇంత చిన్నదానికే కంప్లైంట్ వరకు అవసరమా గుణ అని శివ అంటాడు. కచ్చితంగా వెళ్లాల్సిందే, లేదంటే మీ అక్క గురించి నీకు బాధ్యత లేదని అనుకుంటారు. నవ్వు వెళ్లి మీ బావ మీద పోలీసులకు ఫిర్యాదు చేయ్యి. అప్పుడు వాళ్లు మీ బావను అరెస్ట్ చేసి నిజం కక్కిస్తారు అని గుణ శివను రెచ్చగొడుతాడు. దీంతో వెంటనే శివ పోలీస్ స్టేషన్ కు వెళ్తాడు. తన అక్క కనిపించడం లేదని సీఐకి ఫిర్యాదు చేస్తాడు. మా బావే ఏదో చేసి ఉంటాడని చెబుతాడు. వెంటనే మా బావపై కేసు నమోదు చేసి అరెస్ట్ చేయండి అని అడుగుతాడు. మీ అక్కను వెతికాలా లేక మీ బావను అరెస్ట్ చేయాలా? అని పోలీసు అధికారి శివను అడుగుతాడు. అంటే మా బావను అరెస్ట్ చేస్తే మా అక్క గురించి పూర్తి తెలుస్తుంది కదా అని అంటాడు.
Nani x Sujeeth: నాని – సుజీత్ సినిమా కథ ఏంటీ? రిలీజ్ ఎప్పుడో తెలుసా?
ఇక అదే సమయంలో బాలు కూడా అదే పోలీస్ స్టేషన్ కు వెళ్తాడు. తను తిరగాల్సిన చోట్లన్నీ తిరిగినా ఎలాంటి ఫలితం లేకపోవడంతో ఇక వెంటనే బాలు కూడా చివరి ప్రయత్నంగా పోలీస్ లకు ఫిర్యాదు చేద్దామని స్టేషన్ కు వెళ్తాడు. అప్పటికే అక్కడ బాలు గురించి శివ సీఐకి చెబుతూ ఉంటాడు. ఇక బాలును ఆ పోలీసు అధికారి పిలిచి విషయం అడుగుతాడు. నా భార్య ఉదయం నుంచి కనిపించడం లేదు సార్ అని చెబుతాడు. వీడు నా బామ్మర్ది. గతంలో చెడు సావాసాలకు వెళ్లకూడదని నాలుగు తగిలించాను. అది మనస్సులో పెట్టుకొని నా మీద కేసు అని అంటున్నాడు. త్వరగా నా భార్య ఆచూకీ గురించి తెలియజేయండి సార్ అని రిక్వెస్ట్ చేస్తాడు. 24 గంటలు గడిచిన తర్వాత కేసు తీసుకుంటాను. అప్పటి వరకు వేచి ఉండండి. రేపు వచ్చి ఫిర్యాదు ఇవ్వండి అని పోలీసు చెప్పడంతో అక్కడి నుంచి వెళ్లిపోతారు. బాలు ఇంటికి వెళ్లే సరికి మీనా తిరిగి వచ్చి ఉంటుంది. ఇంతకీ ఎక్కడి వెళ్లిపోయావని బాలు మీనాపై కోసం చేస్తాడు. నేను పూల ఆర్డర్ ఉందని శృతికి చెప్పి వెళ్లాను. రాత్రి ఆలస్యం అవుతుందని కూడా చెప్పాను అని అంటుంది. దాంతో అవును శృతి చెప్పింది. కానీ నేనే అర్థం చేసుకోలేదు. మళ్లీ మీకు చెప్పలేదని అంటుంది. ఇక ఆ తర్వాత ఏం జరిగిందనేది నెక్ట్స్ ఎపిసోడ్ కు వాయిదా పడింది.
