బిగ్ బాస్ వైల్డ్ కార్డ్ రమ్య మోక్ష పారితోషికం.. రెండు వారాల్లోనే లక్షల్లో సంపాదన

బిగ్ బాస్ తెలుగు సీజన్ 9 ద్వారా హౌస్‌లోకి వైల్డ్ కార్డ్ ఎంట్రీగా అడుగుపెట్టిన రమ్య మోక్షకు షో నిర్వాహకులు భారీ రెమ్యూనరేషన్ ఇచ్చినట్లు సమాచారం. ఆమెకు ఇచ్చిన వారం చెల్లింపు మొత్తం ఇప్పుడు సోషల్ మీడియాలో చర్చనీయాంశంగా మారింది.

తెలుగు బుల్లితెర ప్రేక్షకులకు బిగ్ బాస్ తెలుగు ఎంతటి ఎంటర్‌టైన్‌మెంట్‌ను అందిస్తుందో తెలిసిందే. ప్రస్తుతం బిగ్ బాస్ తెలుగు సీజన్ 9 మరింత ఆసక్తికరంగా కొనసాగుతోంది. ఇప్పుడు ఈ టెలివిజన్ షో 8వ వారంలోకి ఎంట్రీ ఇవ్వడం విశేషం. సెలబ్రెటీ కంటెస్టెంట్స్, కామనర్స్, వైల్డ్ కార్డ్ ద్వారా ఎంట్రీ ఇచ్చిన కంటెస్టెంట్స్ తో ప్రస్తుతం షో మరింత రసవత్తరంగా మారుతోంది. ప్రతి వారం ఎవరు ఎలిమినేషన్ అవ్వబోతున్నారనేది ఇంట్రెస్టింగ్ గా మారింది. ఈ క్రమంలో సోషల్ మీడియా ఇన్‌ఫ్ల్యూయెన్సర్, యంగ్ ఎంట్రప్రెన్యూయర్ రమ్య మోక్ష గురించి ఇంట్రెస్టింగ్ న్యూస్ నెట్టింట చక్కర్లు కొడుతోంది.

బిగ్ బాస్ హౌస్‌లో వైల్డ్ కార్డ్ కంటెస్టెంట్‌గా ప్రవేశించిన రమ్య మోక్ష, సెలబ్రిటీ కోటాలో షోలోకి అడుగుపెట్టింది. ఆమె రాకతో షోలో మళ్లీ కొత్త ఉత్సాహం నెలకొంది. ఇప్పుడు ఆమెకు అందుతున్న రెమ్యూనరేషన్ గురించే ప్రేక్షకులు ఎక్కువగా చర్చించుకుంటున్నారు. షోలోపలి వర్గాల సమాచారం ప్రకారం, బిగ్ బాస్ టీమ్ ఆమెకు వారానికి రూ.2 నుండి రూ.3 లక్షల వరకు చెల్లించినట్లు తెలుస్తోంది.

ఈ లెక్కన, రమ్య మోక్ష రెండు వారాలు హౌస్‌లో ఉన్నందున ఆమె మొత్తం రూ.4 నుండి రూ.6 లక్షల వరకు సంపాదించినట్టు సమాచారం. ఈ వివరాలకు అధికారిక ధృవీకరణ లేకపోయినా, సోషల్ మీడియాలో ఈ అంశం హాట్ టాపిక్‌గా మారింది.

ATK Teaser Review: ఆంధ్ర కింగ్ తాలూకా మూవీ టీజర్ రివ్యూ.. రామ్ పోతినేని మంటపెట్టేశాడుగా?

అయితే, రమ్య మోక్ష ప్రదర్శన, ప్రేక్షకులతో ఆమెకు ఏర్పడిన కనెక్ట్ — రెండూ షోకి మంచి టాక్ తెచ్చిపెట్టాయి. బిగ్ బాస్ సీజన్‌లో ఆమె కొనసాగితే, ఈ రెమ్యూనరేషన్ ఇంకా పెరిగే అవకాశముందని షో వర్గాలు చెబుతున్నాయి. ప్రస్తుతం హౌజ్ లోని కంటెస్టెంట్ మరింత ఆసక్తికరంగా కొనసాగుతున్నారు. హౌజ్ లో ఉన్నంత వరకు రమ్య మోక్ష తనదైన శైలిలో టెలివిజన్ ప్రేక్షకులను అలరించింది. ప్రతి టాస్క్ లోనూ తన శక్తి మేరకు విజయం సాధించేందుకు ప్రయత్నించింది. ప్రస్తుతం ఆమె ఎలిమినేషన్ కాబోతుందంటూ ప్రచారం జరుగుతోంది.

Gunde Ninda Gudi Gantalu Serial Octobert 13th: ప్రభావతి కొత్త అవతారం.. వణికిపోయిన బాలు, సత్యం

ఏదేమైనా సోషల్ మీడియా ద్వారా రమ్య మంచి క్రేజ్ సంపాదించుకుంది. ఓవైపు తన పచ్చళ్ల బిజినెస్ ను జోరుగా రన్ చేస్తూనే మరోవైపు తన గ్లామర్ తో నెట్టింట సందడి చేస్తూనే ఉండేది. ఆకర్షణీయమైన లుక్స్ తో రీల్స్ చేస్తూ తన అభిమానులను, ఫాలోవర్స్ ను మంత్రముగ్ధులను చేస్తూ వచ్చింది. ఏదేమైనా తనకంటూ ఒక స్పెషల్ ఇమేజ్ ను క్రియేట్ చేసుకుంది రమ్య మోక్ష. ఆ క్రేజ్ తోనే రమ్యకు తెలుగు టెలివిజన్ పాపులర్ రియాలిటీ గేమ్ షో బిగ్ బాస్ తెలుగు 9వ సీజన్ లో వైల్డ్ కార్డ్ ఎంట్రీ ద్వారా అవకాశం అందుకుంది. తనదైన శైలిలో ప్రతి టాస్క్ ను ఆడుతూ బుల్లితెర ప్రేక్షకుల్లో మంచి పేరు సంపాదించుకుంది.