Idly Kadai Movie Review : ధనుష్ ఇడ్లీ కడాయ్ మూవీ రివ్యూ!
కథ, స్క్రీన్ ప్లే దర్శకత్వం : ధనుష్
నిర్మాత : ధనుష్, ఆకాశ్ భాస్కరన్
నిర్మాణ సంస్థ : వంబర్ బార్ ఫిల్మ్స్, డాన్ పిక్చర్స్
నటీనటులు : ధనుష్, నిత్యా మీనన్, షాలినీ పాండే, సత్యరాజ్, సముద్రఖని, అరుణ్ విజయ్
సినిమాటోగ్రఫీ : కిరణ్ కౌశిక్
ఎడిటింగ్ : ప్రసన్న జీకే
మ్యూజిక్ : జీవీ ప్రకాశ్ కుమార్
విడుదల తేదీ : 01/10/2025
కోలీవుడ్ స్టార్ హీరో ధనుష్ సినిమాలంటే తమిళంలో పాటు రెండు తెలుగు రాష్ట్రాల్లోనూ మంచి డిమాండ్ ఉన్న సంగతి తెలిసిందే. అందుకు కారణం రోటీన్ భిన్నంగా ధనుష్ సినిమాలు చేస్తుండటమే. ఈ క్రమంలో ధనుష్ ఇడ్లీ కడాయ్ అనే చిత్రంతో ప్రేక్షకుల ముందుకు వచ్చారు. ఈ సందర్భంగా సినిమా కథ, కథనం ఎలా ఉంది? ధనుష్ మరో సరికొత్త అవతారం మెప్పించిందా? లేదా? నటీనటుల పెర్ఫామెన్స్ ఎలా ఉంది? టెక్నీషియన్ల పనితీరు ఎలా ఉంది? నిర్మాణ విలువలు ఎలా ఉన్నాయనేది filmitalkies Review ద్వారా తెలుసుకుందాం..
ఇడ్లీ కడాయ్ సినిమా కథ ఏంటీ?
ఓ చిన్న గ్రామంలో శివ కేశవులు (రాజ్ కిరణ్) ఇడ్లీ కొట్టును నిర్వహిస్తూ ఉంటాడు. శివ కేశవులు కొడుకు పేరు మురళీ (ధనుష్). తండ్రి ఇడ్లీ కొట్టులోనే మురళీ కూడా పనిచేస్తూ ఉంటాడు. అయితే తమ కొట్టులో తయారు చేసే ఇడ్లీలకు మంచి పేరు ఉంటుంది. రుచికరంగా ఉండటంతో పాటు సంప్రదాయంగా కొట్టును నడిపించడంతో చాలా పేరును దక్కించుకుంటారు. దీంతో మురళీ తమ కొట్టును బ్రాండ్ గా మార్చాలని ప్రయత్నిస్తాడు. కానీ తండ్రి కేశవులు ఒప్పుకోడు. దాంతో బ్యాంకాక్ కు వెళ్లి అక్కడ దిగ్గజ వ్యాపారవేత్త విష్ణు వర్ధన్ (సత్యరాజ్) కంపెనీలో ఉద్యోగిగా జాయిన్ అవుతాడు. అక్కడ కూడా ఫుడ్ సెక్షన్ లోనే పని చేయడానికి కుదురుతాడు.
అలా మంచిగా పనిచేసి తక్కువ సమయంలోనే ఎక్కువ పేరు సంపాదించుకుంటాడు. ఏకంగా బిజినెస్ మెన్ విష్ణువర్ధన్ కూతురు మీరా (షాలినీ పాండే) ప్రేమ వ్యవహారం నడిపించే స్థాయికి వెళ్తాడు. ఇక వారి లవ్ మేటర్ విష్ణువర్ధన్ కు తెలుస్తుంది. పలు పరీక్షల ద్వారా విష్ణు వర్ధన్ వారికి పెళ్లికి కూడా అంగీకరిస్తాడు. అదే సమయంలో ధనుష్ పెళ్లికి కంటే ముందు ఇంటికి వెళ్లాల్సి వస్తుంది. దీంతో వాళ్ల ఇంటి దగ్గర ఉన్న ఇడ్లీ కొట్టును నడిపించాల్సిన పరిస్థితి ఏర్పడుతుంది. దాంతో ఇంటి దగ్గరనే ఆగిపోతాడు. దాంతో మీరాతో మురళీ పెళ్లి ఆగిపోతుంది. దాంతో మీరా సోదరుడు అశ్విన్ (అరుణ్ విజయ్) మురళీపై కోపం తెచ్చుకుంటాడు. రివేంజ్ తీర్చుకోవాలని, అందుకు చంపేయాలని నిర్ణయించుకుంటాడు. ఇలాంటి పరిస్థితుల్లో మురళీ అసలు బ్యాంకాక్ కు ఎందుకు వెళ్లాడు? ఏకంగా బిజినెస్ మెన్ విష్ణువర్ధన్ కూతురు మీరాతో ఎలా లవ్ లో పడ్డాడు? మళ్లీ ఎందుకు ఇంటికి తిరిగి వచ్చి ఆగిపోయాడు? మీరాతో పెళ్లి ఎందుకు ఆగిపోయింది? అసలు నిత్యా మీనన్ పాత్ర ఏంటీ? మీనా అన్న అశ్విన్ మురళీని ఏం చేశాడనేది సినిమా కథ.
Nani x Sujeeth: నాని – సుజీత్ సినిమా కథ ఏంటీ? రిలీజ్ ఎప్పుడో తెలుసా?
కథనం ఎలా ఉంది?
ధనుష్ సినిమాల్లో ఎక్కువ ఎమోషనల్ సీన్స్ ప్రేక్షకుల హృదయాలను కదిలించేలా ఉంటాయి. ముఖ్యంగా మదర్, ఫాదర్ సెంటిమెంట్స్ విషయంలో ఆయన అస్సలు తగ్గదు. ఈ క్రమంలో ఇడ్లీ కడాయ్ చిత్రం కథనం కూడా సాగుతుంది. కానీ ఆడియెన్స్ అంచనాలు తగ్గట్టుగా ధనుష్ ఎమోషనల్ సన్నివేశాలను చూపించలేకపోయారు. కొన్ని సీన్లు మాత్రం ధనుష్ మార్క్ ను చూపించేలా ఉన్నాయి. కథ, కథనం ఆయనే అందించడంతో మరింతగా అంచనాలు పెరిగాయి. కానీ ఫస్ట్ హాఫ్ లో మాత్రం పూర్తిగా రొటీన్ డ్రామానే సాగుతుంది. ధనుష్ ఎంచుకున్న కథకు తగ్గట్టుగా బలమైన సన్నివేశాలు అరకొరగానే ఉండటంతో ఫస్ట్ హాఫ్ అలా అలా సాగుతుంది.
ఇక సెకండాఫ్ లోనైనా ఉతికారేస్తాడనుకుంటే మళ్లీ కథ స్లోగానే నడుస్తుంటుంది. కానీ సినిమా కథను మలుపు తిప్పే సన్నివేశాలు, కొన్ని ప్రేక్షకుల ఊహకు కూడా అందని సీన్లు సినిమాను తారాస్థాయికి లేపుతాయి. ఇక ద్వితీయార్థంలో కథనం కాస్తా బోర్ కొట్టించిన కథ బలంగా ఉండటంతో ప్రేక్షకులను ఆకట్టుకునేలా ఉంటుంది. మరోవైపు విలన్ క్యారెక్టరైజేషన్ కూడా పెద్దగా పేలినట్టు కనిపించలేదు. ఎప్పటిలాగే హీరోపై విలన్ పగ సాధించేలా సన్నివేశాలే ఉంటాయి. ఇక నిత్యామీనన్ తో ధనుష్ లవ్ ట్రాక్ కాస్తా ఆకట్టుకునేలా ఉంటుంది. మురళీ విష్ణువర్ధన్, అశ్విన్ నుంచి వచ్చే ప్రమాదాన్ని, మరోవైపు ఫాదర్ సెటిమెంట్ సీన్లు ఆసక్తికరంగా ఉంటాయి.
కన్ఫమ్! రష్మిక మందన్న – విజయ్ దేవరకొండ నిశ్చితార్థం.. 2026లో పెళ్లి డేట్ ఫిక్స్?
నటీనటులు, టెక్నీకల్, నిర్మాణ విలువలు..
ధనుష్, సముద్రఖని, నిత్యా మీనన్, షాలినీ పాండే, అరుణ్ విజయ్ తమ తమ పాత్రలకు న్యాయం చేశారు. టెక్నీకల్ గా సినిమాటోగ్రఫీ అద్భుతంగా ఉంది. పల్లెటూరిలో, బ్యాంకాక్ సిటీలో సాగే సన్నివేశాలను చక్కగా చూపించారు. మరోవైపు స్టంట్స్ పరంగా కూడా యాక్షన్ సీన్లు ఆకట్టుకునేలా ఉంటాయి. ఇక టాప్ మ్యూజిక్ డైరెక్టర్ జీవీ ప్రకాశ్ కుమార్ ఈ సినిమాకు అందించిన సంగీతం, బ్యాక్ గ్రౌండ్ మ్యూజిక్ ఆశించిన మేర అందలేదనే భావన కనిపిస్తుంది. నిర్మాణ విలువలు గ్రాండ్ గా ఉన్నా కథ, కథనం విషయాల్లోనే సినిమా కాస్తా తడబడినట్టు కనిపిస్తుంది. కానీ ధనుష్ పెర్ఫామెన్స్ కోసమైనా సినిమాను తప్పకుండా చూడాల్సిందే.
