Kantara Chapter 1: నీకు దండం.. కాంతార ఛాప్టర్ 1 మూవీపై సందీప్ రెడ్డి వంగ ఆసక్తికరమైన రివ్యూ!
కన్నడ చిత్రం కాంతార : చాఫ్టర్ 1 ప్రస్తుతం ప్రేక్షకుల ముందుకు వచ్చిన సంగతి తెలిసిందే. అక్టోబర్ 2న కన్నడతో పాటు తెలుగు, తమిళం, మలయళం, హిందీ భాషల్లో గ్రాండ్ గా ప్రపంచ వ్యాప్తంగా విడుదలైన సంగతి తెలిసిందే. ఈ చిత్రానికి తొలిరోజే ప్రేక్షకుల నుంచి మంచి రెస్పాన్స్ దక్కుతోంది. కాగా 2022లోనే కాంతార చిత్రాన్ని ఆడియెన్స్ ఎంతటి సెన్సేషన్ హిట్ చేశారో ప్రత్యేకంగా చెప్పాల్సిన పనిలేదు. ప్రేక్షకులు ఆశీర్వదించడంతో బాక్సాఫీస్ వద్ద కూడా కాసుల వర్షం కురిపించింది. భారీ లాభాలను సాధించి పెట్టింది.
ఇక కాంతార : ఛాప్టర్ 1తో కన్నడ స్టార్ హీరో రిషబ్ శెట్టి మళ్లీ తిరిగి వచ్చారు. 3 ఏళ్ల కింద రిషబ్ శెట్టి నటించిన ఇండియన్ కన్నడ పీరియడ్ మైథలాజికల్ యాక్షన్ డ్రామా చిత్రంతో ప్రేక్షకులను అలరించారు. ఆ చిత్రానికి కథ, స్క్రీన్ ప్లే, దర్శకత్వం వహించడమే కాకుండా ఆయన లీడ్ రోల్ నూ నటించి మెప్పించారు. కాంతార చిత్రాన్ని హోంబలే ఫిల్మ్స్ సంస్థ రూ.16 కోట్లతో నిర్మించగా బాక్సాఫీస్ వద్ద రూ.450 కోట్ల వరకు వరల్డ్ వైడ్ గా గ్రాస్ వసూల్ చేసిందీ చిత్రం. దీంతో మేకర్స్ కు భారీగానే లాభాలను తెచ్చి పెట్టిందీ చిత్రం.
ఇక తాజాగా కన్నడ స్టార్ రిషబ్ శెట్టి మళ్లీ కాంతార చిత్రానికి ప్రీక్వెల్ కాంతార : ఛాప్టర్ 1తో ప్రేక్షకుల ముందుకు వచ్చారు. ఈ సారి కూడా తనే కథను, స్క్రీన్ ప్లేను, దర్శకత్వాన్ని కూడా వహించి నటించారు. ఈ సారి హొంబలే ఫిల్మ్స్ సంస్థ ఏకంగా రూ.125 కోట్ల బడ్జెట్ ను వెచ్చించింది. జయరామ్, రుక్మిణీ వసంత్, గుల్షణ్ దేవయ్య కీలక పాత్రల్లో నటించారు. అరవింద్ కే కష్యప్ సినిమాటోగ్రఫీని అందించగా, బీ అంజనీష్ లోకనాథ్ సంగీతాన్ని అందించారు. కాగా సినిమాకు తొలిరోజే ప్రేక్షకుల నుంచి బ్రహ్మాండమైన స్పందన లభించింది. మరోవైపు బాక్సాఫీస్ వద్ద కూడా ఈ చిత్రం దుమ్ములేపుతోంది.
Karthika deepam 2 October 3rd : జ్యోత్స్న కు దిమ్మతిరిగే కౌంటర్.. కార్తీక్ బాబు దెబ్బకు షాక్
ఈ క్రమంలో తొలిరోజే కాంతార : చాఫ్టర్ 1 చిత్రాన్ని టాలీవుడ్ సెన్సేషనల్ డైరెక్టర్ సందీప్ రెడ్డి వంగ వీక్షించారు. ఈ సందర్భంగా సినిమా గురించి తనదైన శైలిలో రివ్యూను ఇచ్చారు. ఎక్స్ వేదికన ఆయన స్పందిస్తూ ‘కాంతార ఛాప్టర్ 1 చిత్రం నిజమైన మాస్టర్ పీస్. ఇండియన్ సినిమాల్లో ఇప్పటి వరకు కనివిని ఎరుగని చిత్రమిది. ఇది ఒక సినిమాటిక్ తుఫాన్. చాలా నేచురల్ గా, దివ్యంగా, స్థిరమైన చిత్రాన్ని అందించారు.
కన్నడ స్టార్ రిషబ్ శెట్టి వన్ మ్యాన్ షో పెర్ఫామెన్స్ ను అందించారు. అంతే కాకుండా ఆయన ప్రతి క్రాఫ్ట్ ను ఒక్కడే హ్యాండిల్ చేసిన తీరుకు నా నామస్కారం.. అంటూ సందీప్ రెడ్డి వంగ దండం పెడుతున్న ఎమోజీని ఇచ్చారు. ఇక సినిమా గురించి ప్రత్యేకంగా చెప్పాల్సిన విషయం సంగీతం, బీజీఎం. మ్యూజిక్ డైరెక్టర్ అజనీష్ అద్బుతంగా పని చేశారని ప్రత్యేకంగా చెబుతున్నానని తన రివ్యూలో పేర్కొన్నారు. ఇటీవల కాలంలో సందీప్ రెడ్డి ఇంతలా ఎగ్జైట్ అయిన ఫిల్మ్ కాంతార : ఛాప్టర్ 1 కావడం విశేషం. ఇక సందీప్ రెడ్డి వంగ నుంచి నెక్ట్స్ స్పిరిట్ చిత్రం ప్రేక్షకుల ముందుకు రాబోతున్న సంగతి తెలిసిందే.
