Spirit మూవీ కథ ఏంటో తెలుసా? ఆ సీన్లతో థియేటర్లు బద్దలే!
పాన్ ఇండియా స్టార్ ప్రభాస్ లైనప్‌లో ఎంతటి భారీ చిత్రాలున్నాయో తెలిసిందే. అందులో సెన్సేషనల్ డైరెక్టర్ సందీప్ రెడ్డి వంగ దర్శకత్వంలో రూపుదిద్దుకోవాల్సిన స్పిరిట్ చిత్రం ఒకటి. బాహుబలి చిత్రం తర్వాత నుంచి ప్రభాస్ అన్నీ పాన్ ఇండియా చిత్రాల్లోనే నటిస్తూ వస్తున్న సంగతి తెలిసిందే. మరోవైపు భారీ స్కేల్లో వరల్డ్ వైడ్ గా విడుదల అవుతూ ప్రపంచ ఆడియెన్స్ ను అలరిస్తున్నారు డార్లింగ్. చివరిగా ప్రభాస్ సలార్ : పార్ట్ 1, కల్కి 2898 ఏడీ వంటి భారీ చిత్రాలతో అలరించిన సంగతి అందరికీ తెలిసిందే.
మొత్తానికి ప్రారంభం..
మరోవైపు ప్రభాస్ స్పిరిట్ చిత్రానికి సంబంధించిన కథ, అనుగుణమైన బాడీ వర్కౌట్, లుక్ వైజ్ ప్రిపరేషన్ లో కొద్ది నెలలుగా బిజీగా ఉంటున్నారు. అయితే ఈ చిత్రానికి సంబంధించిన షూటింగ్ ఎప్పుడు ప్రారంభం అవుతుందని డార్లింగ్ అభిమానులతో పాటు నార్మల్ ఆడియెన్స్ కూడా ఎంతో ఆసక్తిగా ఎదురు చూస్తూ వస్తున్నారు. అప్పుడు ఇప్పుడు అంటూ సందీప్ రెడ్డి వంగ ఊరిస్తూ వచ్చినా.. ఎట్టకేళలకు నవంబర్ 23న సోమవారం రోజున గ్రాండ్ గా చిత్రీకరణకు సంబంధించిన సుముహూర్తపు షార్ట్ ను ప్రారంభించారు. పూజా కార్యక్రమాల మధ్య సంప్రదాయంగా స్పిరిట్ సినిమా షూటింగ్ ను ప్రారంభించారు.
స్పిరిట్ మూవీ కథ!
సందీప్ రెడ్డి వంగ స్పిరిట్ చిత్రం కంటే ముందే వచ్చిన అర్జున్ రెడ్డి చిత్రం ఎంతటి సెన్సేషన్ క్రియేట్ చేసిందో అందరికీ తెలిసిందే. చాలా మంది హీరోలు రిజెక్ట్ చేసినా తనకు కథపై, తన స్క్రీన్ ప్లే, డైరెక్షన్ పై ఉన్న నమ్మకంతో విజయ్ దేవరకొండ హీరోగా తెరకెక్కించి బ్లాక్ బాస్టర్ హిట్ అందుకున్నాడు. అంతే కాదు ఆ చిత్రం క్రియేట్ చేసిన సెన్సేషన్ కు అటు విజయ్ దేవరకొండ, ఇటు సందీప్ రెడ్డి వంగ ఇద్దరూ స్టార్ స్టేటస్ ను దక్కించుకున్నారు. ఆ వెంటనే సందీప్ యానిమల్ చిత్రంతో అందనంత ఎత్తుకు ఎక్కాడు. అయితే ఈ రెండు చిత్రాల్లో సందీప్ రెడ్డి కథ, స్ట్రాంగ్ స్క్రీన్ ప్లై, తనదైన దర్శకశైలిని కనబరిచారు. రెండు చిత్రాల్లో బలమైన ఎమోషనల్ సీల్స్ ను డీల్ చేసిన తీరుకు ఆడియెన్స్ ఫిదా అయ్యారు.
ఇక ఇప్పుడు సందీప్ రెడ్డి వంగ పాన్ ఇండియా స్టార్ ప్రభాస్ తో తెరకెక్కించబోతున్న స్పిరిట్ చిత్రంలో బలమైన కథతో పాటు యాక్షన్, థ్రిల్లర్ అంశాలను కూడా జోడించారంట. ప్రభాస్ ను తొలిసారిగా పోలీస్ పాత్రలో చూపించడమే కాకుండా, ఒక నిఖార్సైన పోలీసు యాక్షన్ స్టంట్స్ చేస్తే ఎలా ఉంటుందో చూపించబోతున్నారని ఇన్ సైడ్ టాక్ వినిపించబోతోంది. ఇప్పటి వరకు తెలుగు చలన చిత్ర పరిశ్రమలో రానటువంటి పోలీసు కథను ప్రభాస్ ద్వారా చూపించబోతున్నారని తెలుస్తోంది. దీంతో స్పిరిట్ చిత్రంపై భారీ అంచనాలు పెరిగిపోయాయి.
చిరంజీవి గెస్ట్ గా..
స్పిరిట్ చిత్రంపై భారీ అంచనాలు ఉన్న సంగతి తెలిసిందే. గతంలో ప్రభాస్ కెరీర్ లో సలార్, కల్కి వంటి ప్రాజెక్ట్ కు మించిన హైప్ ఈ చిత్రానికి ఉండటం విశేషం. ఈక్రమంలో సినిమా చిత్రీకరణకు సంబంధించిన లాంఛింగ్ కార్యక్రమానికి పద్మవిభూషణ్, డాక్టర్, మెగాస్టార్ చిరంజీవి ముఖ్య అతిథిగా హాజరై ముహూర్తపు షార్ట్ కు క్లాప్ కొట్టారు. టీమ్ అందరికీ ఆల్ ది బెస్ట్ చెప్పారు. ఈ చిత్రంలో ప్రకాశ్ రాజ్, వివేక్ ఒబేరాయ్, త్రిప్తి డిమ్రీ హీరోయిన్ గా నటిస్తోంది. భద్రకాళి పిక్చర్స్, టీ సిరీస్ బ్యానర్ లో ప్రణయ్ కుమార్ రెడ్డి, భూషణ్ కుమార్ సంయుక్తంగా నిర్మిస్తున్నారు. హర్షవర్దన్ రామేశ్వర్ సంగీత దర్శకత్వం వహిస్తున్నారు. 2027 విడుదలకు సిద్ధం చేస్తున్నారు.
Karthika deepam 2 November 25th: తండ్రి దాసును ప్రాదేయపడిన జ్యోత్స్న.. దీపా ఎదురు దెబ్బకు విలవిల
ప్రభాస్‌కు కండీషన్!
స్పిరిట్ మూవీ పూజా కార్యక్రమానికి సందీప్ రెడ్డి వంగ, తన డైరెక్షన్ టీమ్ మాత్రమే హాజరైంది. ప్రభాస్ హాజరైనా కూడా ఎక్కడా కనిపించకుండా జాగ్రత్త పడ్డారు. కానీ కేవలం అభిమానులను హర్ట్ చేయకూడదని ప్రభాస్ హ్యాండ్స్ ను మాత్రమే చూపించాడు సందీప్ రెడ్డి వంగ. అభిమానులకు ప్రభాస్ అన్న హ్యాండ్స్ కూడా కిక్ ఇస్తాయని అనుకుంటున్నానని ముహూర్తమ్ క్లాప్ బోర్డ్ పట్టుకున్న ప్రభాస్ చేతులను చూపించి సరిపెట్టాడు. ఇక అందరి సపోర్ట్ ఉండాలని సందీప్ రెడ్డి వంగ కోరారు. ఇక ఈ ప్రాజెక్ట్ ను సందీప్ రెడ్డి వంగ కేవలం 8 నెలల్లోనే పూర్తి చేయబోతున్నారంట. అప్పటి వరకు ప్రభాస్ ను బయట కనిపించకూడదని, లుక్ విషయంలో ఫీల్ పోతుందని కోరినట్టు తెలుస్తోంది. ఏదేమైనా సందీప్ రెడ్డి వంగా స్పిరిట్ కోసం ఫ్యాన్స్, నార్మల్ ఆడియెన్స్ ఎంతో ఆసక్తిగా ఎదురు చూస్తున్నారు.
Heartfelt thank you to our MEGASTAR CHIRANJEEVI sir for blessing the event with his presence. Sir….. your gesture is unforgettable — we all love you 🙏@KChiruTweets 🙏#SPIRIT MUHURTHAM pic.twitter.com/y9Sckt71IN
— Sandeep Reddy Vanga (@imvangasandeep) November 23, 2025
