Fake Alert : ప్రియాంక ఫేక్ ఫొటోలు వైరల్.. వెంటనే స్పందించిన యంగ్ హీరోయిన్.. ఏమందంటే?
యంగ్ అండ్ టాలెంటెడ్ హీరోయిన్ ప్రియాంక మోహన్ గురించి తెలుగు ప్రేక్షకులకు ప్రత్యేకంగా చెప్పాల్సిన పని లేదు. టాలీవుడ్ లోకి ఈ ముద్దుగుమమ్మ నాని గ్యాంగ్ స్టర్ మూవీతో ఎంట్రీ ఇచ్చిన సంగతి తెలిసిందే. చెన్నైలో పుట్టి పెరిగిన ఈ బ్యూటీ 2019 నుంచి చిత్ర పరిశ్రమలో యాక్టివ్ గా ఉంటోంది. కానీ తొలుత కన్న చిత్ర పరిశ్రమలో హీరోయిన్ గా ఒక సినిమా చేసింది. ఆ చిత్రంతో హీరోయిన్ గా ప్రేక్షకులకు పరిచయం అయ్యింది.
ఆ తర్వాత నేరుగా టాలీవుడ్ లోకి అడుగుపెట్టింది. నేచురల్ స్టార్ నాని నటించిన గ్యాంగ్ స్టర్ మూవీతో తెలుగు ప్రేక్షకులకు ప్రియాంక మోహన్ పరిచయం అయ్యింది. తొలి చిత్రంతో ఆడియెన్స్ ను తనవైపు తిప్పుకోగలిగింది. గర్ల్ నెక్ట్స్ డోర్ లా అనిపించుకుంది. తెలుగు ఇంటి అమ్మాయిలా వెండితెరపై మెరిసి తనకంటూ స్పెషల్ ఇమేజ్ ను సొంతం చేసుకుంది ప్రియాంక మోహన్. ఆ తర్వాత నుంచి బ్యాక్ టు బ్యాక్ సినిమాలు చేస్తూ వస్తున్నారు.
అయితే ప్రియాంక మోహన్ రీసెంట్ గా ఏకంగా పవర్ స్టార్ పవన్ కళ్యాణ్ సరసన OG చిత్రంలో నటించి మెప్పించింది. తన కెరీర్ లోనే ఈ చిత్రం బిగ్గెస్ట్ సక్సెస్ ను అందించింది. దీంతో ప్రియాంక మోహన్ కూడా స్టార్ స్టేటస్‌ను దక్కించుకుంది. భారీ సక్సెస్ ను అందుకున్న సమయంలో ప్రియాంక మోహన్ కు ఓ చిక్కు వచ్చి పడింది. ఆమె పేరును ఎవరో తగ్గించాలని తప్పుడు పనులు చేశారంటూ స్పందించింది.
OG Day 16 Box Office Collection: 16 రోజుల్లో OG విధ్వంసం.. ఎన్ని కోట్లు కలెక్ట్ చేసిందంటే?
ప్రియాంక మోహన్ కు సంబంధించిన కొన్ని ఆర్టిఫిషియల్ ఇంటెలిజెన్స్ ఫొటోలను, ఫేక్ ఇమేజ్ లను క్రియేట్ చేసి ఇంటర్నెట్ లో వైరల్ చేశారు. అది కాస్తా ప్రియాంక మోహన్ దగ్గరకు వెళ్లింది. దీంతో ప్రియాంక మోహన్ వెంటనే ఆ ఫేక్ ఫొటోలపై తనదైన శైలిలో స్పందించింది. ఎవరో కావాలని ఇలా నా ఫొటోలను క్రియేట్ చేసి వ్యాప్తి చేస్తున్నారని చెప్పుకొచ్చింది. ఈ మేరకు ఎక్స్ వేదికన ఒక నోట్ కూడా విడుదల చేసింది.
ప్రియాంక మోహన్ పోస్ట్ ప్రకారం.. ఎవరో నన్ను తప్పుగా చిత్రీకరించే ప్రయత్నం చేశారు. ఇందుకు ఏఐ-జనరేటెడ్ చిత్రాలను సోషల్ మీడియాలో సర్క్యులేట్ చేశారు. దయచేసి అవి ఫేక్ ఫొటోలని అందరికీ తెలియజేస్తున్నారు. ఎవరూ ఆ నకిలీ ఫొటోలను సోషల్ మీడియాలో మాత్రం వ్యాప్తి చేయవద్దని కోరుతున్నాను. టెక్నాలజీని క్రియేటివిటీ కోసం ఉపయోగించుకోవాలి, అంతే కానీ తప్పుగా సమాచారాన్ని వ్యాప్తి చేయడం కోసం కాదని సూచించింది. నెటిజన్లు, అభిమానులు కూడా షేర్ చేసే సమాచారం పట్ల కాస్తా అవగాహన కలిగి ఉండాలని కోరింది.
https://x.com/priyankaamohan/status/1976734182043742648
