వార్ 2కి ఎన్టీఆర్ భారీ పారితోషికం.. హృతిక్ రోషన్, కియారా అద్వానీ ఎన్ని కోట్లు తీసుకున్నారంటే?
వార్ 2 చిత్రం బడ్జెట్..
బాలీవుడ్ లో రూపుదిద్దుకుంటున్న వార్ 2 చిత్రానికి మేకర్స్ భారీగానే ఖర్చు చేశారు. భారీ కాస్ట్ మరియు భారీ యాక్షన్ సీక్వెన్స్ లు ఉండటంతో సినిమాకు బడ్జెట్ ఎక్కువనే అయ్యింది. నటీనటులు, టాప్ టెక్నీషియన్లు ఈ చిత్రానికి పనిచేయడంతో వారి రెమ్యునరేన్లు, నిర్మాణ ఖర్చులు కలుపుకొని వార్ 2 చిత్రానికి రూ.400 కోట్ల వరకు బడ్జెట్ అయ్యిందని ట్రేడ్ వర్గాలు వెల్లడించాయి.
తారక్, హృతిక్, కియారా రెమ్యునరేషన్లు..
ఆర్ఆర్ఆర్ చిత్రం తర్వాత జూనియర్ ఎన్టీఆర్ కు వరల్డ్ వైడ్ గా గుర్తింపు దక్కిన సంగతి తెలిసిందే. దాంతో గ్లోబల్ స్టార్ గా ఎదిగారు. ఫలితంగా రెమ్యునరేషన్ కూడా పెరిగింది. ఇక వార్ 2 చిత్రానికి జూనియర్ ఎన్టీఆర్ రూ.60 కోట్లు తీసుకున్నారంట. మరోవైపు బాలీవుడ్ స్టార్ హృతి రోషన్ రూ.48 కోట్లు తీసుకున్నారంట. హీరోయిన్ గా నటించిన కియారా అద్వానీ రూ.15 కోట్లు, దర్శకుడు అయాన్ ముఖర్జీ రూ.32 కోట్ల పారితోషికం తీసుకున్నట్టు బాలీవుడ్ మీడియాలో ప్రచారం జరుగుతోంది.
హృతిక్, తారక్ రాబోయే చిత్రాలు..
తారక్ చివరిగా దేవర చిత్రంతో అలరించారు. నెక్ట్స్ వార్ 2 చిత్రంతో ప్రేక్షకుల ముందుకు రాబోతున్నాడు. మరోవైపు సెన్సేషనల్ డైరెక్టర్ ప్రశాంత్ నీల్ దర్శకత్వంలో రూపుదిద్దుకుంటున్న డ్రాగన్ చిత్రంలో నటిస్తున్న సంగతి తెలిసిందే. మరోవైపు హృతిక్ రోషన్ వార్ 2 చిత్రం తర్వాత క్రిష్ 4 చిత్రాన్ని పట్టాలెక్కించబోతున్నాడు. ఈ చిత్రానికి స్వయంగా ఆయనే దర్శకత్వం వహించబోతుండటం విశేషం.
వార్ ట్రైలర్ జోరు..
ప్రస్తుతం వార్ 2 చిత్రానికి సంబంధించిన ప్రచార కార్యక్రమాలు జోరుగా జరుగుతున్నాయి. యష్ రాజ్ ఫిల్మ్స్ బ్యానర్ లో ఆదిత్య చోప్రా నిర్మిస్తున్న ఈ చిత్రం ఆగస్టు 24న విడుదల కాబోతోంది. అయితే అదే రోజు కోలీవుడ్ సూపర్ స్టార్ రజనీకాంత్ నటించిన కూలి చిత్రం కూడా వరల్డ్ వైడ్ గా విడుదల కాబోతోంది. దీంతో వార్ 2, కూలి మధ్య గట్టి పోటీ కనిపిస్తోంది. ఇక ఏ చిత్రం ఎలాంటి సమీక్షలు అందుకుంటుందో, ఎన్ని కోట్ల బాక్సాఫీస్ కలెక్షన్లను వసూళ్లు చేస్తాయనేది ఆసక్తికరంగా మారింది.
నెక్ట్స్ ప్రాజెక్ట్స్ తో బిజీ..
ఇక ప్రస్తుతం జూనియర్ తన రాబోయే చిత్రాలపై ఫుల్ ఫోకస్ పెట్టారు. ఈ క్రమంలో భారీ ప్రాజెక్ట్స్ లో నటించేందుకు ఆసక్తి చూపిస్తున్న సంగతి అందరికి తెలిసిందే. ఇదే సమయంలో ఇప్పటికే జూనియర్ ఎన్టీఆర్ హృతిక్ రోషన్ తో కలిసి వార్ 2 చిత్రంతో ప్రేక్షకుల ముందుకు వచ్చారు. అలాగే నెక్ట్స్ మరిన్ని భారీ చిత్రాలకు సిద్ధమవుతున్నారు. అందులో నెక్ట్స్ జూనియర్ ఎన్టీఆర్ నుంచి రాబోయే చిత్రం ఎన్టీఆర్ 31. ఈ చిత్రానికి ఇండియాస్ సెన్సేషనల్ డైరెక్టర్ ప్రశాంత్ నీల్ దర్శకత్వం వహిస్తుండటం విశేషం. ఇప్పటికే ఈ చిత్రానికి సంబంధించిన షూటింగ్ కూడా ప్రారంభమైంది. ఎన్టీఆర్ ఆర్ట్స్, మైత్రీ మూవీ మేకర్స్ బ్యానర్ లో ఈ ప్రాజెక్ట్ భారీ స్కేల్లో రూపుదిద్దుకుంటున్న సంగతి అందరికి తెలిసిందే. మరోవైపు ఎన్టీఆర్ మాటల మాంత్రికుడు త్రివిక్రమ్ శ్రీనివాస్ తోనూ ఓ పౌరాణిక చిత్రంలో నటించేందుకు చాలా ఆసక్తిగా ఉన్నారు. నాగవంశీ నిర్మాతగా ఈ చిత్రం సెట్స్ మీదకు వెళ్లబోతోంది. మున్ముందు మరిన్ని ఇంట్రెస్టింగ్ అప్డేట్స్ కూడా రానున్నాయి.
