The Raja Saab : ప్రభాస్‌తో యంగ్ బ్యూటీ రొమాన్స్.. ది రాజా సాబ్‌లో 4వ హీరోయిన్ ఎవరో తెలుసా?

పాన్ ఇండియా స్టార్ ప్రభాస్ నుంచి నెక్ట్స్ ప్రేక్షకుల ముందుకు రాబోతున్న చిత్రం ది రాజా సాబ్ (The Raja Saab). టాలీవుడ్ సక్సెస్‌ఫుల్ డైరెక్టర్ మారుతీ దర్శకత్వంలో ఈ భారీ హారర్ర్ కామెడీ యాక్షన్ ఫిల్మ్ రూపుదిద్దుకుంటున్న సంగతి తెలిసిందే. తొలిసారిగా ప్రభాస్ హారర్ర్ కామెడీ ఫిల్మ్స్ లో నటిస్తుండటం విశేషం. ఈ సందర్భంగా చిత్రం ఎప్పుడెప్పుడు ప్రేక్షకుల ముందుకు వస్తుందా అని అభిమానులు ఎంతో ఆసక్తిగా ఎదురు చూస్తూ ఉన్నారు. కాగా చిత్రం నుంచి యూనిట్ బ్యాక్ టు బ్యాక్ అప్డేట్స్ ను అందిస్తూనే వస్తున్నారు. దీంతో మరింతగా అంచనాలు పెరుగుతూ పోతున్నాయి.

మరో హీరోయిన్ కు కూడా అవకాశం!
ఇదే సమయంలో ది రాజా సాబ్ చిత్రం గురించి మరిన్ని ఇంట్రెస్టింగ్ గాసిప్స్ చిత్ర పరిశ్రమలో వినిపిస్తూ వస్తున్నాయి. తాజాగా ఈ చిత్రం గురించి ఇంట్రెస్టింగ్ న్యూస్ బయటికి వచ్చింది. ఇప్పటికే ది రాజా సాబ్ చిత్రంలో 3గురు హీరోయిన్లు నటిస్తున్న సంగతి తెలిసిందే. కాగా ఈ ముగ్గురు సరిపోరు అన్నట్టుగా దర్శకుడు మారుతీ మరో హీరోయిన్ కు కూడా అవకాశం ఇచ్చారంట. ఇప్పుడు ఈ విషయం సినీ వర్గాల్లో ఇంట్రెస్టింగ్ గా మారింది. అయితే నాలుగో హీరోయిన్ ఎవరనేది ఆసక్తికరంగా మారింది.

ఆమె మరెవరో కాదు తెలుగు, తమిళ చిత్రాల్లో బ్యాక్ టు బ్యాక్ సినిమాలతో దుమ్ములేపుతున్న యంగ్ బ్యూటీ కాయల్ ఆనంది కావడం విశేషం. ప్రస్తుతం ఈ ముద్దుగుమ్మ టాలీవుడ్ టాలెంటెడ్ యాక్టర్, హీరో ప్రియదర్శి సరసన ప్రేమంటే అనే చిత్రంలో నటిస్తోంది. ఈ చిత్రానికి సంబంధించిన ట్రైలర్ నవంబర్ 17న గ్రాండ్ ఈవెంట్ మధ్య విడుదలైంది. దీంతో ఈ సినిమాకు మంచి బజ్ కూడా క్రియేట్ అయ్యింది. అయితే ట్రైలర్ లాంచ్ ఈవెంట్ లో సందడి చేసిన ఆనంది గురించి ఇప్పుడు ఇంట్రెస్టింగ్ గాసిప్ సినీ వర్గాల్లో వైరల్ గా మారింది.

కన్ఫమ్! రష్మిక మందన్న – విజయ్ దేవరకొండ నిశ్చితార్థం.. 2026లో పెళ్లి డేట్ ఫిక్స్?

ఇప్పటికే ది రాజా సాబ్ చిత్రంలో ముగ్గురు హీరోయిన్లు నిధి అగర్వాల్, మాళవికా మోహనన్, రిద్ది కుమార్ అధికారికంగా ఫైనల్ అయిన సంగతి తెలిసిందే. అంతే కాకుండా గతంలో విడుదల చేసిన పవర్ ఫుల్ టీజర్ లోనూ ముగ్గురు భామలను దర్శకుడు మారుతీ పరిచయం చేశారు. కాగా ఇప్పుడు ఈ యంగ్ బ్యూటీ ఆనందిని కూడా ది రాజా సాబ్ చిత్రంలో నటించబోతోందని తెలుస్తోంది. ఆమెను ఒక స్పెషల్ రోల్ కోసం ఎంపిక చేశారంట. ఇప్పటికే తన షూటింగ్ కూడా పూర్తి చేసుకుందని అంటున్నారు. ఇక ఆనంది ప్రేక్షకులను, తన ఫ్యాన్స్ ను ఎలా సర్ ప్రైజ్ చేస్తుందనేది చూడాలి.

అల్లు శిరీష్ ఎంగేజ్‌మెంట్‌.. తనకు కాబోయే భార్య ఎంతటి రిచ్ తెలుసా?

నవంబర్ 21న
ఆనందిని అచ్చమైన తెలుగు అమ్మాయి. ఆమె హైదరాబాద్ లోనే పుట్టి పెరిగింది. డైరెక్టర్ మారుతీ దర్శకత్వంలో వచ్చిన తొలి చిత్రం ఈ రోజుల్లో.. ఒక చిన్న పాత్ర పోషించింది. 2012లో ఆ చిత్రం విడుదలైంది. ఆ తర్వాత బస్ స్టాప్, ప్రియతమ నీవచట కుషలమా, నాయక్ , గ్రీన్ సిగ్నల్ వంటి తెలుగు చిత్రాల్లో నటించింది. ఇక 2014 నుంచి 2019 వరకు కోలీవుడ్ లో తమిళ చిత్రాల్లో నటిస్తూ బిజీగా ఉంది. అక్కడ కూడా మంచి పేరు సంపాదించుకుంది. మళ్లీ టాలీవుడ్ లోకి జాంబిరెడ్డి, శ్రీదేవి సోడా సెంటర్, ఇట్లు మారేడుమిల్లి ప్రజానీకం, కస్టడీ, భైరవం వంటి చిత్రాల్లో నటించి బ్యాక్ టు బ్యాక్ అలరిస్తోంది. ఇలా తమిళం, తెలుగు చిత్రాల్లో నటిస్తూ బిజీగా ఉంటుంది. నవంబర్ 21న ప్రియదర్శి ఆనంది జంటగా నటించిన ప్రేమంటే చిత్రం గ్రాండ్ గా విడుదల కాబోతోంది. ఆ నెక్ట్స్ గరివిడి లక్ష్మి, టైటానిక్ వంటి చిత్రాలతో ప్రేక్షకుల ముందుకు రానుంది. ఇక రాజా సాబ్ చిత్రం 2026 జనవరి 9న గ్రాండ్ విడుదల కాబోతోంది.