Gunde Ninda Gudi Gantalu November 26th: మౌనికా జీవితం తలకిందులు.. బాలుపై నిందారోపణ
Gunde Ninda Gudi Gantalu Serial: గుండె నిండా గుడి గంటలు సీరియల్ తెలుగు టెలివిజన్ డైలీ సీరియల్స్‌లో మంచి రేటింగ్‌తో ఆసక్తికరంగా కొనసాగుతోంది. రోజురోజుకు కొత్త ట్విస్ట్ లతో ఆకట్టుకుంటోంది. గుండె నిండా గుడి గంటలు నవంబర్ 25వ తేదీ 560 ఎపిసోడ్‌లో మనోజ్ ను బాలు టార్గెట్ చేశాడు. ఇటీవల మనోజ్ ఇంట్లో ఎవ్వరికీ తెలియకుండా బంగారు నగలను తీసుకొని వెళ్లి, నకిలీ నగలను పెట్టిన సంగతి తెలిసిందే. దీంతో అసలు దొంగ మనోజ్ అనే విషయం తెలియడంతో ఎలాగైనా ఆ విషయాన్ని మనోజ్ నోటనే చెప్పించాలని ప్రయత్నిస్తాడు. దాంతో మనోజ్ ను గుడిలో ఒక వ్యక్తితో పోతురాజుగా వచ్చిన ప్రశ్నలు వేస్తాడు. నువ్వే అసలు దొంగవి, ఇటీవల నువ్వు చేసిన దొంగ పని ఏంటో చెప్పు అని కొడుతూ అడుగుతుంటాడు. కానీ మనోజ్ ఎంతకు చెప్పడు.
చివరల్లో వేషం కట్టుకొని వచ్చిన వ్యక్తిని తన భార్య వచ్చి కొట్టి తీసుకెళ్లిపోతుంది. దీంతో బాలు వేసిన ప్లాన్ ఫెయిల్ అవుతుంది. ఇప్పుడు తప్పించుకున్న ఇంకోసారికైనా నీ సంగతి తెలుస్తానంటూ మనోజ్ వైపు ఓరగా చూస్తాడు. మరోవైపు మౌనికా కూడా గుడికి వస్తుంది. కార్తీక దీపాలు వెలిగించేందుకు వచ్చిన తన పుట్టింటి వారిని కూడా కలుస్తుంది. మౌనికాను కలవడంతో కుటుంబం మొత్తం సంతోషిస్తుంది. ఈ సందర్భంగా మౌనికాకు పట్టువస్త్రాలు, పసుపు, కుంకుమ పెట్టడానికి ఏర్పాట్లు చేస్తారు. ఇదే సమయంలో సంజూ గుడికి వచ్చి ఆ వస్తువులను చెల్లాచెదురు చేస్తాడు. అంతే కాదు మౌనికాపై చేయి కూడా చేసుకుంటాడు. దీంతో మౌనికా అన్న బాలు సంజూ కాలర్ పట్టుకుంటాడు. ఇక ఆ తర్వాత ఏం జరిగిందనేది నవంబర్ 25వ తేదీ 562వ ఎపిసోడ్ లో చూద్దాం..
బాలు చెంపలు వాయించిన మౌనికా..
గుడిలో జరిగిన గొడవ తర్వాత మౌనికా అన్న బాలుపై ఫైర్ అవుతుంది. సంజూ గుడికి వచ్చి ఆవేశంగా మౌనికాపై చేయి చేసుకోవడంతో బాలు రక్తం మరిగిపోతుంది. తన చెల్లినే కొడతవా? అంటూ బాలు సంజూ కాలర్ పట్టుకొని చెంపలు వాయిస్తాడు. వీరిద్దరూ దెబ్బలాడుతుంటే పక్కనే కుటుంబ సభ్యులు ఆపే ప్రయత్నం చేస్తారు. ఇదే సమయంలో ముఖ్యంగా మౌనికా తన అన్న బాలును పక్కకు తీసుకెళ్లి చెంపలు వాయిస్తుంది. దీంతో అందరూ షాక్ అవుతారు. అసలు మౌనికా ఎంతో ప్రేమగా ఉండే అన్నపైనే చేయి చేసుకోవడం ఏంటనీ అందరూ నివ్వెర పోతారు. అంతే కాదు మౌనికా బాలుపై మాటల తూటాలు కూడా పేల్చుతుంది. అసలు నువ్వు ప్రతి దానికి ఆవేశ పడుతూనే ఉంటాడు. మా ఆయన నన్ను కొడతాడు, తిడతాడు. మా మధ్య చాలా విషయాలు ఉంటాయి. అయినా భార్య భర్తలు అన్నాక ఇలాంటివన్నీ సహజమే కదా అని అంటుంది. దాంతో బాలు సైలెంట్ అయిపోతాడు. మౌనికా తనకు మద్దతుగా మాట్లాడటంతో సంజూ మరింతగా రెచ్చిపోతాడు. ఇప్పటికైనా బాలు గురించి మీకు తెలిసింది కదా అని కుటుంబ సభ్యులతో అంటాడు. ఇక నువ్వు నా రా అని మౌనికాకు సంజూ వెంట తీసుకొని వెళ్లిపోతాడు.
బాలుపై నిందా.. మీనా తిరుగుబాటు..
ఇక బాలు, మీనాతో పాటు సత్యం, ప్రభావతి, రవి, శృతి, రోహిణి, మనోజ్ కూడా ఇంటికి తిరిగి వెళ్తారు. ఇంటికి వెళ్లిన వెంటనే గుడిలో సంజూతో జరిగిన ఘటనపై చర్చిస్తారు. మౌనికా విషయంలో సంజూ చేసిన పనికి బాధపడుతూనే, బాలు సంజూపై చేయి చేసుకోవడం ఏమాత్రం సరికాదని తండ్రి సత్యం మండి పడుతాడు. నువ్వు ఇలా ప్రతి విషయంలో ఇతరులపై దాడికి ప్రయత్నించడం సమాధానం కాదని బాలుతో చెబుతాడు. ఇక సత్యం అందరి ముందే బాలును నిందించడంతో ఇక రోహిణి, మనోజ్, ప్రభావతి కూడా బాలుపైనే మండిపడుతారు. బాలు అలా మౌనికా భర్త సంజూను కొట్టాల్సింది కాదని అంటారు. ఇక మీనా, శృతి మాత్రం బాలుకు సపోర్ట్ చేస్తారు. సంజూ అలా మౌనికాను అందరి ముందే కొడుతుంటే చూస్తూ ఉండలేం కదా అని శృతి అంటుంది. మౌనికా కాబట్టి అలా మౌనంగా ఉంటుంది కానీ, వేరే అమ్మాయి అయితే అస్సలు సహించేది కాదని చెబుతుంది. ఇక బాలు కూడా తన తప్పేమీ లేదని, మిగిలిన ఇద్దరు అన్నళ్లా నేను చూస్తూ ఊరుకునే రకం కాదని చెబుతాడు.
Karthika deepam 2 November 26th: దీపాకు ఘోర అవమానం.. జ్యోత్స్న చెంపలు వాయించిన సుమిత్ర, దశరథ
మీనా ఆవేదన..
మీనా కూడా బాలుకు సపోర్ట్ గా మాట్లాడుతుంది. అసలు మౌనికా విషయంలో ఎప్పుడూ బాలునే కలుగజేసుకుంటున్నాడు. సంజూ మౌనికాను ఎంత ఇబ్బంది పెడుతున్నాడనే సంగతి ఏ ఒక్కరికీ సరిగ్గా తెలియదని మీనా అంటుంది. అసలు మౌనికాకు ఏం సమస్యలు ఉన్నాయని రోహిణి, ప్రభావతి అంటారు. అసలు మీరు ఏ రోజైనా మౌనికా మనసులో మాట తెలుసుకుంటే కదా అని అంటుంది. దాంతో వెంటనే సత్యం స్పందిస్తూ మాకు తెలియని విషయం నీకు ఏమైనా తెలిసిందమ్మా మీనా అని అడుగుతాడు. అది మీరే మౌనికాకు ఫోన్ చేసి తెలుసుకుంటే మంచిది మామయ్య అని బదులిస్తుంది. ఇక వెంటనే సత్యం మౌనికాకు ఫోన్ చేస్తాడు.
Spirit మూవీ కథ ఏంటో తెలుసా? ఆ సీన్లతో థియేటర్లు బద్దలే!
మౌనికాకు వార్నింగ్..
మౌనికాను ఇంటికి తీసుకెళ్లిన తర్వాత సంజూ చాలా సీరియస్ గా వార్నింగ్ ఇస్తాడు. ఇక తండ్రి ఫోన్ చేసినా కూడా మౌనికా తనను సంజూ బాగానే చూసుకుంటున్నాడని, తమ మధ్య ఎలాంటి గొడలు లేవని చెబుతుంది. ఆ తర్వాత మౌనికా మామ నీలకంఠం కూడా వచ్చి మౌనికా చేసింది తప్పని అంటాడు. అసలు మీ పుట్టింటికి వెళ్లొద్దని నీకు చెప్పి ఉన్నాం కదా అమ్మ, అయినా నువ్వు ఎందుకు వెళ్లావు. మా చెప్పకుండా వెళ్లడం, ఈ ఇంటి తిండి తింటూ ఈ ఇంటికే మోసం చేయడం వంటిదే కదా అని గట్టిగా మాట్లాడుతాడు. దాంతో మౌనికా ఇంకోసారి అస్సలు వెళ్లను మామయ్య అని చెబుతుంది. ఇక సంజూ కూడా ఈసారి మళ్లీ వెళ్తే మాత్రం.. నీ మెడలో ఉన్న తాళిని అక్కడ పెట్టి వెళ్లమని హెచ్చరిస్తాడు. దీంతో మౌనికా కన్నీళ్లు పెట్టుకుంటుంది. ఇక మరోవైపు బాలు మౌనికాను తలుచుకుంటూ కన్నీళ్లు పెట్టుకుంటాడు. ఇదిలా ఉంటే ప్రోమోలో మనోజ్ 4 లక్షల వ్యవహారంపై అసలు విషయం తెలుస్తుంది. బంగారం అమ్మేశాడనే సంగతి బాలు, మీనాలకు తెలిసిపోతుంది. ఇక నెక్ట్స్ ఎపిసోడ్ లో ఏం జరిగిందనేది మరింత ఆసక్తికరంగా మారింది.
