OG Day 16 Box Office Collection: 16 రోజుల్లో OG విధ్వంసం.. ఎన్ని కోట్లు కలెక్ట్ చేసిందంటే?

పవర్ స్టార్ పవన్ కళ్యాణ్ నటించిన తాజా చిత్రం OG. ఈ చిత్రం సెప్టెంబర్ 25న ప్రేక్షకుల ముందుకు వచ్చిన సంగతి తెలిసిందే. యంగ్ అండ్ టాలెంటెడ్ డైరెక్టర్ సుజీత్ దర్శకత్వం వహించిన సంగతి తెలిసిందే. సాహో తర్వాత సుజీత్ OG చిత్రాన్ని తెరకెక్కించడం విశేషం. ఈ మూవీ తెలుగుతో పాటు తమిళం, మలయాళం, కన్నడ, హిందీ భాషల్లోగ్రాండ్ గా విడుదలైంది. మరోవైపు ఓవర్సీస్ లోనూ ఈ చిత్రం విడుదలై భారీ రెస్పాన్స్ ను సొంతం చేసుకుంది. ఇక ఇప్పటికే బాక్సాఫీస్ వద్ద 2 వారాలను పూర్తి చేసుకుంది. కాగా ఈ సినిమా బడ్జెట్ ఎంత? ప్రీ రిలీజ్ బిజినెస్ ఎంత? 16వ రోజు ఎన్ని కోట్లు వసూల్ చేసింది? ఇంకెన్ని కోట్లు రాబట్టాల్సి ఉందనే వివరాల్లోకి వెళితే..

OG మూవీ బడ్జెట్?
OG చిత్రంలో పవన్ కళ్యాణ్, బాలీవుడ్ స్టార్ ఇమ్రాన్ హష్మీ, జాకీ ష్రాఫ్, ప్రకాష్ రాజ్, అర్జున్ దాస్, శ్రియా రెడ్డి, అభిమన్యు సింగ్ ప్రధాన పాత్రల్లో నటించారు. యంగ్ హీరోయిన్ ప్రియాంక మోహన్ పవన్ కళ్యాణ్ సరసన నటించి మెప్పించింది. టెక్నికల్‌గా ఈ చిత్రానికి రవి కే చంద్రన్, మనోజ్ పరమహంస సినిమాటోగ్రఫీ బాధ్యతలను చూశారు. నేషనల్ అవార్డు గ్రహీత నవీన్ నూలి ఎడిటర్ బాధ్యతలను నిర్వర్తించారు. ఇండియాస్ టాప్ మ్యూజిక్ డైరెక్టర్ ఎస్ఎస్ థమన్ సంగీతం అందించడం విశేషం. ఇలా నటీనటులు, టెక్నీషియన్ల పారితోషికాలు, చిత్ర నిర్మాణ ఖర్చులు, ప్రమోషన్ ఖర్చులన్నీ కలుపుకొని సినిమాకు రూ.250 బడ్జెట్ అయ్యిందని ట్రేడ్ పండితులు వెల్లడించారు.

ప్రీ రిలీజ్ బిజినెస్ ఎంత? బ్రేక్ ఈవెన్ టార్గెట్ ఎంత?
పవర్ స్టార్ పవన్ కళ్యాణ్ సినిమాలకు సాధారణంగానే భారీ హైప్ ఉంటుంది. ఈ క్రమంలో OG చిత్రం ప్రకటించినప్పటి నుంచి తెలుగు స్టేట్స్ లో థియేట్రికల్ రైట్స్ ద్వారా రూ. 155 కోట్ల ప్రీ రిలీజ్ బిజినెస్ చేసింది. ఆంధ్రాలో రూ.70 కోట్లు, నైజా రూ.60 కోట్లు, సీడెడ్ రూ.25 కోట్లు, తమిళం, కర్ణాటక, కేరళ, ROI కలుపుకొని రూ.12 కోట్లు, ఓవర్సీస్ లో రూ.26 కోట్ల బిజినెస్ జరిగింది. ఇలా వరల్డ్ వైడ్ గా OG సినిమాకు రూ.210 కోట్ల వరకు టోటల్ ప్రీ రిలీజ్ బిజినెస్ అయ్యింది. దీంతో సినిమా బ్రేక్ ఈవెన్ సాధించాలంటే రూ.220 కోట్ల షేర్.. 420 కోట్ల వరల్డ్ గ్రాస్ కలెక్ట్ చేయాల్సి ఉందని ట్రేడ్ నిపుణులు నిర్ణయించారు.

Kajra Re Song: ఐశ్వర్య రాయ్ కజ్రా రే సాంగ్.. దారుణంగా అవమానించారు.. సింగర్ ఆవేదన

15 రోజుల్లో OG కలెక్షన్లు?
ఓపెనింగ్ డే రూ.102 కోట్ల ఇండియా నెట్, వరల్డ్ వైడ్ రూ.154 కోట్ల గ్రాస్ అందుకుంది. 2వ రోజు రూ.22.15 కోట్లు, 3వ రోజు రూ.22.20 కోట్లు, 4వ రోజు రూ.22.20 కోట్లు, 5వ రోజు రూ.8.75 కోట్లు, 6వ రోజు రూ.8.55 కోట్లు, 7వ రోజు రూ.8 కోట్లు, 8వ రోజు రూ.9.10 కోట్లు, 9వ రోజు రూ.5.60 కోట్లు, 10వ రోజు రూ.5.40 కోట్లు, 11వ రోజు రూ.4.90 కోట్లు, 12వ రోజు రూ.1.9 కోట్లు, 13వ రోజు రూ.1.65 కోట్లు, 14వ రోజు రూ.1.15 కోట్లు, 15వ రోజు రూ.1 కోటీ వరకు గ్రాస్ వసూల్ చేసిందని సాక్ నిక్ గణాంకాలు వెల్లడిస్తున్నాయి.

బ్లూ డ్రెస్ లో మెరిసిపోతున్న అనసూయ.. ఆ విషయంలో తగ్గేదేలే

16వ రోజు కలెక్షన్లు..
16వ రోజు తెలుగు స్టేట్స్ లో రూ.85 లక్షలు మాత్రమే వసూల్ చేసింది. మిగితా స్టేట్స్ లో OG వసూళ్లు పలచబడ్డాయి. అడపాదపడా వసూళ్లు కలుపుకొని 16వ రోజు రూ.1 కోటీ వరకు వసూల్ చేసిందని ట్రేడ్ వర్గాలు తెలుపుతున్నాయి. ఇలా 16వ రోజు వరకు ఇండియా నెట్ రూ.189 కోట్ల వరకు చేరుకుంది.

వరల్డ్ వైడ్ గా..
OG చిత్రం ఇండియా నెట్ రూ.189 కోట్లు, ఇండియా గ్రాస్ రూ.223 కోట్లకు చేరుకుందని సాక్ నిక్ బాక్సాఫీస్ రిపోర్ట్ ఇచ్చింది. మరోవైపు ఓవర్సీస్ లో ఇప్పటి వరకు రూ. 66 కోట్లు అందాయి. దీంతో ఇండియా గ్రాస్ + ఓవర్సీస్ వసూళ్లు కలుపుకొని రూ.289 కోట్ల వరకు వరల్డ్ వైడ్ గా గ్రాస్ వసూలైందని ట్రేడ్ నిపుణులు తెలుపుతున్నారు. ఈ లెక్కన ఇంకా రూ.100 కోట్ల వరకు థియేట్రికల్ రన్ ద్వారా వసూల్ చేయాల్సి ఉందని ట్రేడ్ నిపుణులు అభిప్రాయ పడుతున్నారు.

Disclaimer: ఈ పేజీలోని సినిమా బాక్సాఫీస్‌ రిపోర్టులకు సంబంధించిన సమాచారం sacnilk.com, ప్రొడక్షన్ హౌస్‌‌లు, ప్రముఖ సోషల్ మీడియా అకౌంట్ల ద్వారా వెల్లడించిన వివరాల ఆధారంగా పొందుపరచడమైంది. సినిమా బాక్సాఫీస్ కలెక్షన్ల‌కు సంబంధించి వెల్లడించే రిపోర్టులకు ఫిల్మ్ టాకీస్ ఎలాంటి బాధ్యత వహించదు.