Karthika deepam 2 October 11th : కార్తీక్ బాబును బతిమిలాడిన శివ నారాయణ.. జ్యోత్స్నకు దశరథ స్ట్రాంగ్ వార్నింగ్

Karthika deepam 2 Serial Latest Episode : కార్తీక దీపం 2 అక్టోబర్ 10వ తేదీ 485వ ఎపిసోడ్ ఆసక్తికరంగా సాగింది. వైరాతో శివ నారాయణ, దశరథల కుటుంబానికి, కంపెనీకి సమస్య వస్తుంది. వైరా శివ నారాయణ స్థాపించిన జ్యోత్స్న గ్రూప్ ఆఫ్ కంపెనీని తన గుప్పిట్లోకి తీసుకొచ్చుకోవాలని ప్రయత్నిస్తాడు. ఇందుకు శివ నారాయణ కంపెనీలో భాగమైన కొందరి షేర్లను వైరా కొనేందుకు ప్రయత్నిస్తాడు. ఈ విషయం కాస్తా కంపెనీలో షేర్ హోల్డర్ ద్వారా శివ నారాయణ, దశరథలకు తెలుస్తుంది. మరోవైపు కార్తీక్ బాబుకు కూడా ఈ విషయం తెలుస్తుంది. దాంతో కంపెనీ షేర్ హోల్డర్స్ కు షేర్లను అమ్మేసే హక్కు లేదని కార్తీక్ బాబు అందరినీ హెచ్చరిస్తాడు. మీరేదైనా తప్పుడు నిర్ణయాలు తీసుకుంటే అది మీకే ముప్పుగా మారుతుందని చెబుతాడు. దాంతో వాళ్ల షేర్స్ ను వైరాకు అమ్మేందుకు వెనకడుగు వేస్తారు. దీంతో వైరా వెంటనే కార్తీక్ బాబును వచ్చి కలుస్తాడు. ఈ సందర్భంగా ఏం జరిగిందనేది ఆసక్తికరంగా మారింది. ఇక అక్టోబర్ 11వ తేదీ 482 ఎపిసోడ్ లో ఏం జరిగిందంటే?

కార్తీక్ బాబుకు వైరా వార్నింగ్ ఇవ్వడానికి వస్తాడు. ఈ సందర్భంగా వైరా మాట్లాడుతూ కార్తీక్ బాబును తన విషయంలో అడ్డు పడకని అంటాడు. నాకు దశరథతో గొడవ ఉందని, నువ్వు మధ్యలో దూరకని చెబుతాడు. నువ్వు అనవసరంగా నా దారికి అడ్డువస్తే మాత్రం నీకే తెలియని ప్రమాదాలు వస్తాయని వైరా కార్తీక్ బాబును హెచ్చరిస్తాడు. నువ్వు రోడ్డు మీద వెళ్తున్నప్పుడు నిన్ను లారీ కొట్టేయొచ్చు.. లేదంటే నీకు ఒక కూతురు ఉందని తెలుసుకున్నాను. అప్పుడు నీ కూతురుకో, లేదంటే నీ కుటుంబంలో ఎవరికో ఒకరికైనా ప్రాణాపాయం వస్తుందని డైరెక్ట్ గానే వైరా హెచ్చరిస్తాడు. దీంతో కార్తీక్ బాబుకు చిర్రుమంటుంది. వెంటనే వైరా నోరు మూయించేందుకు తిరిగి హెచ్చరిస్తాడు. నేను ఆ ఇంట్లో కేవలం డ్రైవర్ ను మాత్రమే, కానీ ఆ ఇంట్లో ప్రతి ఒక్కరిని కాపాడుకునే బాధ్యత నా మీద ఉంది. వాళ్లు నాకు అన్ని విషయాల్లో ప్రాధాన్యత కలిగిన వారే అని చెబుతాడు. వాళ్ల జోలికి వస్తే మాత్రం నీ పరిస్థితి పూర్తిగా మారిపోతుందని కార్తీక్ బాబు వైరాను హెచ్చరిస్తాడు. ప్రతి క్షణం వారిని నేను కాపాడుకుంటూనే వస్తున్నానని అంటాడు. మున్ముందు కూడా వారిని కాపాడుకుంటూనే ఉంటానని వైరాతో అంటాడు. నువ్వు ఆ కుటుంబానికి చెడు చేయాలనే ఆలోచనను వెంటనే మానుకోమని సూచిస్తాడు.

కానీ వైరా ఏమాత్రం తగ్గడు. నువ్వు ప్రతి విషయంలో అడ్డుకుంటే ఇక నేను ఏం చేస్తానో నాకే తెలియదు. మొన్న వేలం పాటలో కూడా నీ వల్లనే నాకు కోలుకోలేని దెబ్బ తగిలిందని తెలుసుకున్నాను. ఆ రోజే నువ్వే వెనకాలా ఉండి నడిపించావని తెలిసింది. ఏదేమైనా నాకు నీతో ఎలాంటి గొడవ లేదు. కేవలం దశరథతోనే శత్రుత్వం ఉంది. మధ్యలో నువ్వు అడ్డు వస్తే నిన్ను, నీ కుటుంబాన్ని ఏం చేస్తానో నాకే తెలియదని అంటాడు. కానీ ఆ వెంటనే కార్తీక్ బాబు రక్తం మరిగిపోతుంది. వైరా మాటలకు ధీటుగా సమాధానం ఇస్తాడు. శివ నారాయణ కుటుంబానికి నేను డ్రైవర్ గా పని చేస్తున్నాను. కానీ ఆ కుటుంబాన్ని ప్రతి క్షణం కాపాడుకుంటూనే ఉంటాను. నువ్వు ఈ రోజుతో అన్నీ మర్చిపోతే బాగుంటుందని, లేదంటే అసలైనా ప్రమాదం ఏంటో నీకు నేను చూపిస్తాను. నీకు తెలియకుండానే గేమ్ మొదలు పెట్టి నీకు తెలియకుండానే ముగించేస్తానని వైరాతో కార్తీక్ బాబు అంటాడు. నేను ఒక్కసారి గేమ్ స్టార్ట్ చేశానంటే రూల్స్ ఫాలో అవ్వను. కొత్త రూల్స్ క్రియేట్ చేస్తాను వైరా. అనవసరంగా నాతో పెట్టుకొని చిక్కుల్లో పడకు అని కార్తీక్ బాబు తిరిగి వైరాను హెచ్చరిస్తాడు. ఇక వైరా కూడా కార్తీక్ బాబు ఇచ్చిన స్ట్రోక్ కు సైలెంట్ గా ఉండిపోతాడు.

Kajra Re Song: ఐశ్వర్య రాయ్ కజ్రా రే సాంగ్.. దారుణంగా అవమానించారు.. సింగర్ ఆవేదన

మరోవైపు కాశీ, దాసు మధ్య గొడవ జరుగుతుంది. దాసుని జ్యోత్స్న వచ్చి కలవడాన్ని కొడుకు కాశీ చూస్తాడు. దీంతో అసలు జ్యోత్స్న అక్క మిమ్మల్ని ఏం అడిగిందని, అసలు ఎందుకు వచ్చి మిమ్మల్ని ప్రత్యేకంగా కలిసి వెళ్లిందని కాశీ తన తండ్రి దాసును ప్రశ్నిస్తాడు. దాంతో దాసు ఏం లేదు, ఊరికనే వచ్చి కలిసి వెళ్లిందని అంటాడు. కాశీ పదే పదే అడగటంతో నీకే ఏదైనా జాబ్ ఉందా? లేదా? అని అడిగింది. ఏదైనా ఉద్యోగం ఉంటే చెబుతానని చెప్పిందని దాసు బదులిస్తాడు. దాంతో కొడుకు కాశీ తండ్రి దాసుపై ఫైర్ అవుతాడు. జ్యోత్స్న అక్క ఎప్పుడూ తన స్వార్థం కోసమే ఆలోచిస్తూ ఉంటుంది. ఇతరులు ఏమై పోయినా తనకు పర్లేదు. తన అవసరం లేకుండా ఎవ్వరినీ కలిసే ప్రయత్నం చేయదు. పైగా మనల్ని మాత్రం అస్సలు కలవదని కాశీ అంటాడు. అసలు ఎందుకు కలిసింది? ఏం చెప్పిందనేది నాకు చెప్పకుండా ఎందుకు దాస్తున్నావ్ నాన్న అని కాశీ ప్రశ్నిస్తాడు. ఏమీ లేదని చెబుతున్నాను కదా? అయినా నీకు ఉద్యోగం లేకపోవడంతో ఇలా అన్నింటిపై ధ్యాస పెరుగుతోంది. ముందు ఆ పని చూడమని దాసు కొడుకు కాశీని అంటాడు. అలా ఇద్దరి మధ్య మాటామాటా పెరుగుతూనే ఉంటుంది.

బ్లూ డ్రెస్ లో మెరిసిపోతున్న అనసూయ.. ఆ విషయంలో తగ్గేదేలే

చివరికి కాశీని కొట్టేందుకు దాసు చేయి పైకి ఎత్తుతాడు. ఇదే సమయంలో శ్రీధర్ వచ్చి అడ్డుకుంటాడు. కాశీని సముదాయించి ఇంట్లోకి పంపిస్తాడు. ఆ తర్వాత దాసును కూడా ప్రశాంతంగా ఉండమని చెబుతాడు. వెంటనే దాసు దగ్గరకు కాఫీ తీసుకొని వెళ్తాడు. ఇక కాఫీ ఇచ్చిన తర్వాత తనకో సాయం చేయమని అడుగుతాడు. నా కొడుకు కార్తీక్ చెక్ ఇచ్చిన తీసుకోలేదు, పైగా ఆ ఇంట్లోనే డ్రైవర్ గా పని చేస్తున్నాడు. అలాగే జ్యోత్స్న కూడా కార్తీక్ బాబుపై నెగ్గాలని చూస్తోంది. నిన్న జ్యోత్స్న వచ్చి నిన్ను కలిసింది. వీటన్నింటికి కారణం ఏంటీ? జ్యోత్స్న నిన్ను ఎందుకు కలిసిందో చెప్పగలవా? అని ప్రశ్నిస్తాడు శ్రీధర్. కానీ దాసు మాత్రం నిజం చెప్పడానికి ఇష్టపడడు. తనతో జ్యోత్స్న ఏమీ చెప్పలేదని అంటాడు. ఈ క్రమంలోనే శ్రీధర్ దాసు కూతురు పురిట్లోనే చనిపోయిందనే విషయాన్ని గురించి మాట్లాడుతాడు. ఇంతకీ ఎలా చనిపోయిందని అడుగుతాడు. అది కూడా నాకు తెలియదు బావ అని బదులిస్తాడు.

Sasivadane Movie Review: కోమలి ప్రసాద్ శశివదనే మూవీ రివ్యూ!

మున్ముందు తెలిస్తే మాత్రం నాకు చెప్పుమని, ఇక జ్యోత్స్న, కార్తీక్ బాబు, దీపా కూడా ఎలాంటి విషయం తెలిసినా తెలియజేయమని అడుగుతాడు. అందుకు దాసు కూడా సరేనని చెబుతాడు. మరోవైపు జ్యోత్స్నకు శివ నారాయణ, దశరథలు వార్నింగ్ ఇస్తారు. ఇక కంపెనీ సీఈవో బాధ్యతల నుంచి నువ్వు తప్పుకోవాలని చెబుతారు. కానీ జ్యోత్స్న నేను తప్పుకోనని అంటుంది. ఇప్పటి వరకు నీ వల్ల కంపెనీకి ఎన్నో నష్టాలు వచ్చాయి. ఇకనైనా నువ్వు నీ అంతంటా రాజీనామా చేస్తే మర్యాదగా ఉంటుందని చెబుతాడు. ఇప్పటికే 3 వారాల పాటు గడిచిపోయింది. కానీ నువ్వు కంపెనీ మేలు చేసే ఏ ఒక్క పని కూడా చేయలేదు. ఇక వచ్చే వారం కొత్త సీఈవోను ప్రకటిస్తామని జ్యోత్స్నకు చెబుతారు. మరోవైపు సుమిత్ర కూడా రాజీనామా చేయమని జ్యోత్స్నను హెచ్చరిస్తుంది. కానీ జ్యోత్స్న మాత్రం నాకు ఇంకాస్తా సమయం ఇవ్వండని చెబుతుంది. దశరథ, శివ నారాయణ మాత్రం జ్యోత్స్న మాటలను పట్టించుకోకుండా వెళ్లిపోతారు. ఆ వెంటనే శివ నారాయణ కార్తీక్ బాబు దగ్గరకు వెళ్తాడు. నాకు నీ సాయం కావాలిరా మనవడ అని అడుగుతాడు. నాకు ఇప్పుడు కంపెనీ బాధ్యతలను చూసే ఒపికా, సహనం, శక్తి లేదని చెబుతాడు. నాకు నీ సాయం కావాలని అంటాడు. ఇక ఆ తర్వాత ఏం జరిగిందనేది నెక్ట్స్ ఎపిసోడ్ కు వాయిదా పడింది.