Karthika deepam 2 October 6th : అతి తెలివి ప్రదర్శించిన జ్యోత్స్న.. అగ్రిమెంట్‌ పేపర్లను కార్తీక్‌కు ఇచ్చేసిన శివనారాయణ

Karthika deepam 2 Serial Latest Episode : కార్తీక దీపం 2 అక్టోబర్ 3వ తేదీ 479వ ఎపిసోడ్ ఆసక్తికరంగా సాగింది. జ్యోత్స్నకు ఇచ్చిన సమయం దగ్గర పడటంతో కంగారు పడుతుంది. నెల రోజుల్లో తమ కంపెనీని నష్టాల నుంచి లాభాల్లోకి తీసుకొని రాకపోతే కంపెనీ సీఈవో బాధ్యతల నుంచి తొలగిస్తామని శివ నారాయణ ఇప్పటికే చెప్పిన సంగతి తెలిసిందే. దీంతో జ్యోత్స్న ఈ గ్యాప్ లో మరోరెస్టారెంట్ ను కొనుగోలు చేసేందుకు సిద్ధం అవుతుంది. ఎవ్వరూ ఎంత చెప్పినా వినదు. ఇక వేలం పాట ద్వారా అక్కడి రెస్టారెంట్ ను దక్కించుకోవాలని ప్రయత్నిస్తుంది. అక్కడ శివ నారాయణ, దశరథల పాత శత్రువు వైరా కనిపిస్తాడు. తాను కూడా వేలం పాటకు వస్తాడు. ఇక శివ నారాయణ, దశరథలపై గెలుస్తానని ఛాలెంజ్ చేస్తాడు. కానీ జ్యోత్స్న ఎలాగైనా వైరాను ఓడించాలని అనుకుంటుంది. దీంతో కార్తీక్ బాబు, దశరథ, శివ నారాయణలను వేలం పాట నుంచి వెళ్లగొట్టేందుకు ప్లాన్ చేస్తుంది. ఫేక్ ఐటీ రైడ్స్ ను సృష్టించి ఫోన్ కాల్ చేయిస్తుంది. దాంతో వారు ముగ్గురు అక్కడ నుంచి బయల్దేరుతారు. ఈ సందర్భంగా ఏం జరిగిందనేది ఆసక్తికరంగా మారింది. ఇక అక్టోబర్ 6వ తేదీ 481 ఎపిసోడ్ లో ఏం జరిగిందంటే?

దీపాను సుమిత్ర అవమానిస్తుంది. నా కోసం ఏం వంట చేస్తున్నావ్ దీపా అని అడుగుతుంది. అందుకు దీపా స్పందిస్తూ మీకు నచ్చిన వంటలు చేస్తానమ్మ అని చెబుతుంది. ఏం చేయాలో చెప్పమని అడుగుతుంది. అందుకు అన్ని కూరగాయలు కలిపి రుచికరమైన సాంబార్ పెట్టమని సుమిత్ర చెబుతుంది. దాంతో సరేనమ్మ చేస్తానని దీపా అంటుంది. ఆ తర్వాత సుమిత్ర దీపాను టిఫిన్ తిన్నావా? అని అడుగుతుంది. నిజంగా చెప్పు తిన్నవా లేదా అని మరోసారి సుమిత్ర దీపాను అడుగుతుంది. వెంటనే దీపా అబద్దం చెప్పాల్సిన అవసరం ఏముంది అమ్మగారు తిన్నానని చెబుతుంది. ఏమో ఎవరికి తెలుసు నువ్వు ఎప్పుడైనా ఎలాంటి విషయాల్లోనైనా సులువుగా అబద్ధాలు చెబుతావు కదా అని అడుగుతుంది. దాంతో దీపా షాక్ అవుతుంది. సుమిత్రమ్మ అవమానించడంతో మొహంపైనా చిరునవ్వు పోతుంది. కంట్లో నీళ్లు తిరుగుతాయి.

అదేంటమ్మా అలా అన్నారని దీప అంటుంది. ఎందుకంటే నేను ఇవ్వాళ చాలా సంతోషంగా ఉన్నాను. నా కూతురు వేలం పాటలో గెలిచి తిరిగి వస్తుందని, నా కూతురు జ్యోత్స్న అప్పుడు సంతోషంగా ఉంటుందని సుమిత్ర చెబుతుంది. అదే సమయంలో నా కూతురికి నా చేతులతో కడుపునిండా తినిపిస్తాను. కానీ అప్పుడు నవ్వు తినకుండా ఉండి కళ్లు తిరిగి పడిపోతే ఎలా అని అంటుంది. అందుకే నువ్వు ముందుగానే తిని ఉండు. నేను నా కూతురికి కడుపు నిండా తినిపించాలని చెబుతుంది. దాంతో దీపా కన్నీళ్లు పెట్టుకుంటూ సరేనమ్మ అని బదులిస్తుంది. ఇక మరోవైపు జ్యోత్స్న వేలం పాటలో ఉంటుంది. అయితే కార్తీక్ బాబుతో పాటు దశరథ, శివ నారాయణను వేలం పాట నుంచి పంపించాలని ప్రయత్నిస్తుంది. వెంటనే ఫేక్ ఐటీ రైడ్స్ అని చెప్పి ఫోన్ కాల్ చేయిస్తుంది. దాంతో దశరథ, శివ నారాయణ, కార్తీక్ బాబు అందరూ కలిసి బయల్దేరుతారు. ఇక కారు ఎక్కే సమయంలో దశరథ కార్తీక్ బాబును వేలం పాట దగ్గరనే ఉండమని చెబుతాడు. అక్కడ రైడ్ జరగడం కంటే ఇక్కడ వేలం పాట విషయంలో ఏం జరుగుతుందనేది టెన్షన్ గా మారిందని అంటాడు దశరథ. దాంతో శివ నారాయణ కూడా కార్తీక్ బాబును వేలం పాట దగ్గరనే ఉండమని చెబుతాడు.

కన్ఫమ్! రష్మిక మందన్న – విజయ్ దేవరకొండ నిశ్చితార్థం.. 2026లో పెళ్లి డేట్ ఫిక్స్?

ఇక జ్యోత్స్న వేలం పాటలో తన రేంజ్ చూపించాలని ప్రయత్నిస్తుంది. తన ప్రత్యర్థి వైరా పై గెలవాలని నిర్ణయించుకుంటుంది. వేలం ప్రారంభం కావడంతో వైరా కంటే 1 కోటి రూపాయాలు పెంచుతూ రెస్టారెంట్ ను దక్కించుకోవాలని ప్రయత్నిస్తుంది. అటు దశరథ, శివ నారాయణలకు బద్ధ శత్రువులైనా వైరా కూడా వేలం పాటలో ఏమాత్రం దక్కడు. జ్యోత్స్న కంటే పైచేయి సాధించాలని వేలం పాటను పొడగిస్తూనే వస్తుంటాడు. అయితే కార్తీక్ బాబు కూడా వెనకాల నుంచి వేలం పాటను గమనిస్తూ ఉంటాడు. 5 కోట్లతో మొదలైన వేలం పాట కోటీ కోటీ పెరుగుతూ 10 కోట్ల రూపాయల వరకు వస్తుంది. దాంతో కార్తీక్ బాబు టెన్షన్ పడుతాడు. ఆ రెస్టారెంట్ కు రూ.10 కోట్ల కంటే ఒక్క రూపాయి కూడా ఎక్కువ వేలం పాట పాడిన నష్టమే అని కార్తీక్ బాబు అనుకుంటాడు. కానీ జ్యోత్స్న మాత్రం ఏమాత్రం తగ్గకుండా ఇంకా వేలం పాడుతూనే ఉంటుంది. మరోవైపు వైరా కూడా దశరథ, శివ నారాయణలను అవమానించాలని వేలం పాడుతూనే ఉంటారు. జ్యోత్స్న చివరిగా 19 కోట్ల వరకు తీసుకొని వస్తుంది. ఇక అప్పటికే నష్టాల్లోకి వచ్చామని తెలుసుకున్న వైరా వేలం పాటను ఆపేయాలని అనుకుంటాడు.

కానీ 20 కోట్ల రూపాయలు దాటించి అప్పుడు జ్యోత్స్నకు వదిలేస్తానని వైరా అంటాడు. దాంతో వైరా తన పాట 20 కోట్లు అని చెబుతాడు. ఇక జ్యోత్స్న షాక్ అవుతుంది. కార్తీక్ బాబు ఇప్పుడే జ్యోత్స్నను ఆపేయాలని అనుకుంటాడు. కార్తీక్ బాబు చెబితే వినదని వెంటనే వెళ్లి దశరథతో ఫోన్ కాల్ చేయిస్తాడు. అప్పటికే జ్యోత్స్న 21 కోట్లు అని పాడబోతుంటుంది. కానీ కార్తీక్ బాబు చేయించిన ఫోన్ కాల్ తో వేలం పాటను వైరాకే వదిలేసి వెళ్లి పోతుంది. దీంతో వైరా కంగు తింటాడు. జ్యోత్స్న ఇలా వేలం పాటను మధ్యలోనే వదిలేసి వెళ్లిపోతుందని ఊహించలేకపోతాడు. ఇక జ్యోత్స్న బయటికి వచ్చాక కార్తీక్ బాబు కనిపిస్తాడు. నువ్వు కంపెనీ దగ్గరికి వెళ్లకుండా ఇక్కడే ఎందుకు ఉన్నావని జ్యోత్స్న కార్తీక్ బాబును ప్రశ్నిస్తుంది. ఇక వేలం పాట నుంచి మన కంపెనీని కాపాడటానికి అని చెబుతాడు. అంటే నాకు ఫోన్ చేయించి వేలం పాటలో గెలవకుండా చేసింది నువ్వే కదా అని అంటుంది. అందుకు కార్తీక్ బాబు అవునని చెబుతాడు. దాంతో జ్యోత్స్న కార్తీక్ బాబుపై మండి పడుతుంది.

Nani x Sujeeth: నాని – సుజీత్ సినిమా కథ ఏంటీ? రిలీజ్ ఎప్పుడో తెలుసా?

ఇంటికి వెళ్లిన తర్వాత జ్యోత్స్న కార్తీక్ బాబు చేసిన పనిని తాత శివ నారాయణ, తండ్రి దశరథ, తల్లి సుమిత్ర, పారుకు చెబుతుంది. నేను ఏదైనా విషయంలో గెలవాలని ప్రయత్నిస్తూ ఉంటే అది నాకు దక్కకుండా చేసేది మరెవ్వరో కాదు కార్తీక్ బాబు, దీప అని జ్యోత్స్న అంటుంది. ఇంకోక్క కోటి రూపాయలు ఎక్కువగా వేలం పాడితే ఆ కంపెనీ నా సొంతం అయ్యేది, ఆ తర్వాత నష్టాల్లో ఉన్న మన కంపెనీని లాభాల్లోకి తీసుకు రావాలని అనుకున్నాను. కానీ నా ప్లాన్ ను మొత్తం వృథా చేశాడు కార్తీక్ బాబు అని జ్యోత్స్న మండి పడుతుంది. ఇక కార్తీక్ బాబు చేసిన పనికి ఊహించని విధంగా శివ నారాయణ కూడా మండి పడుతాడు. వేలం పాట విషయంలో నువ్వు ఎందుకు జ్యోక్యం చేసుకున్నావని ప్రశ్నిస్తాడు. నువ్వు చేసిన తప్పుకు ఒక్క క్షణం కూడా నువ్వు ఈ ఇంట్లో ఉండటానికి వీల్లేదని చెబుతాడు. అందుకు జ్యోత్స్న దగ్గర నుంచి అగ్రిమెంట్ పేపర్ ను తీసుకొని రమ్మని చెప్పి, ఆ అగ్రిమెంట్ కాగితాలను కార్తీక్ బాబు చేతిలో పెడుతాడు. ఇక కార్తీక్ బాబును ఇంట్లో నుంచి మెడ పట్టి గెంటేయాలని అంటాడు. ఆ తర్వాత ఏం జరిగిందనేది నెక్ట్స్ ఎపిసోడ్ పై ఆసక్తిని పెంచుతోంది.