OG Movie 7 Days Box Office Collection: 7 రోజుల్లో OG బాక్సాఫీస్ కలెక్షన్.. పవర్ స్టార్ మూవీ కలెక్షన్ల తుఫాన్.. ఎన్ని కోట్లంటే?

పవర్ స్టార్ పవన్ కళ్యాణ్ నటించిన లేటెస్ట్ గ్యాంగ్ స్టర్ ఫిల్మ్ OG. ఈ చిత్రానికి యంగ్ అండ్ డైనమిక్ డైరెక్టర్ సుజీత్ దర్శకత్వం వహించిన సంగతి తెలిసిందే. సెప్టెంబర్ 25న ఈ మూవీ వరల్డ్ వైడ్ గా తెలుగుతో పాటు తమిళం, మలయాళం, కన్నడ, హిందీ భాషల్లో భారీ స్థాయిలో విడుదలైంది. డీవీవీ ఎంటర్‌టైన్‌మెంట్ బ్యానర్ లో ఈ చిత్రాన్ని టాప్ ప్రొడ్యూసర్ డీవీవీ దానయ్య నిర్మించారు. తొలిరోజే భారీ హిట్ టాక్ ను సొంతం చేసుకుంది. దీంతో ఈ చిత్రం బడ్జెట్ ఎంత? ప్రీ రిలీజ్ బిజినెస్ ఎంత? 7 రోజుల్లో ఎన్ని కోట్లు వసూళ్లు చేసిందనే వివరాల్లోకి వెళితే..

OG మూవీ బడ్జెట్ ఎంత?
పవర్ స్టార్ పవన్ కళ్యాణ్, బాలీవుడ్ స్టార్ ఇమ్రాన్ హష్మీ, జాకీ ష్రాఫ్, ప్రకాష్ రాజ్, అర్జున్ దాస్, శ్రియా రెడ్డి, అభిమన్యు సింగ్ కీలక పాత్రలు పోషించారు. యంగ్ బ్యూటీ ప్రియాంక మోహన్ హీరోయిన్ గా నటించిన సంగతి తెలిసిందే. ఇక ఈ చిత్రానికి రవి కే చంద్రన్, మనోజ్ పరమహంస సినిమాటోగ్రఫీని అందించారు. జాతీయ అవార్డు గ్రహీత నవీన్ నూలి ఎడిటర్ గా బాధ్యతలు చూశారు. టాప్ మ్యూజిక్ డైరెక్టర్ ఎస్ఎస్ థమన్ సంగీతం అందించారు. ఇలా నటీనటులు, టెక్నీషియన్ల రెమ్యునరేషన్లు, ప్రొడక్షన్ కాస్ట్, ప్రచార కార్యక్రమాల ఖర్చులన్నీ కలుపుకొని సినమాకు రూ.250 బడ్జెట్ అయ్యిందని ట్రేడ్ నిపుణులు వెల్లడిస్తున్నారు.

ప్రీ రిలీజ్ బిజినెస్? బ్రేక్ ఈవెన్ టార్గెట్?
పవర్ స్టార్ పవన్ కళ్యాణ్ OG మూవీకి తెలుగు స్టేట్స్ లో థియేట్రికల్ రైట్స్ ద్వారా రూ. 155 కోట్ల ప్రీ రిలీజ్ బిజినెస్ జరిగిందని, ఇందులో ఆంధ్రాలో రూ.70 కోట్లు, నైజా రూ.60 కోట్లు, సీడెడ్ రూ.25 కోట్ల వరకు వ్యాపారం జరిగిందని ట్రేడ్ నిపుణులు తెలుపుతున్నారు. ఒక తమిళం, కర్ణాటక, కేరళ, ROI కలుపుకొని రూ.12 కోట్లు, ఓవర్సీస్ లో రూ.26 కోట్ల వరకు వ్యాపారం జరిగింది. దీంతో వరల్డ్ వైడ్ గా THEY CALL HIM OG సినిమాకు రూ.210 కోట్ల వరకు ప్రీ రిలీజ్ బిజినెస్ జరిగింది. ఇక ఈ చిత్రం బ్రేక్ ఈవెన్ టార్గెట్ పూర్తి చేయాలంటే రూ.220 కోట్ల షేర్.. 420 కోట్ల వరల్డ్ గ్రాస్ వసూల్ చేయాల్సి ఉంటుందని ట్రేడ్ నిపుణులు విలువ కట్టారు.

విజయ్ దేవరకొండ రెమ్యునరేషన్.. కింగ్డమ్ కు ఎన్ని కోట్లంటే?

7 రోజుల వసూళ్లు?
ఓపెనింగ్ డే ఓజీ చిత్రానికి రూ.102 కోట్ల ఇండియా నెట్, వరల్డ్ వైడ్ గా గ్రాస్ రూ.154 కోట్లు వసూలైంది. ఇక 2వ రోజు రూ.22.15 కోట్లు, 3వ రోజు రూ.22.20 కోట్లు, 4వ రోజు రూ.22.20 కోట్లు, 5వ రోజు రూ.8.75 కోట్లు, 6వ రోజు రూ.8.55 కోట్లు, 7వ రోజు రూ.7.50 కోట్ల వరకు ఇండియా నెట్ వసూల్ చేసిందని సాక్ నిక్ గణాంకాలు తెలుపుతున్నాయి.

ఓటీటీలోకి హరిహర వీరమల్లు.. ఇక్కడ చూసేయండి

వరల్డ్ వైడ్ OG వసూళ్లు?
OG చిత్రం 7 రోజుల్లో రూ.162 కోట్ల ఇండియా నెట్, రూ.194 కోట్ల ఇండియా గ్రాస్ ను వసూల్ చేసింది. ఇక ఓవర్సీస్ నుంచి రూ.63 కోట్లు అందిందని సాక్ నిక్ రిపోర్ట్ ఇచ్చింది. కాగా ఇండియా గ్రాస్ + ఓవర్సీస్ వసూళ్లు కలుపుకొని వరల్డ్ వైడ్ గా రూ. 257 కోట్లు వసూల్ చేసిందని ట్రేడ్ నిపుణులు తెలుపుతున్నారు. మరోవైపు ఇప్పటికే 5 రోజుల్లోనే వరల్డ్ వైడ్ గా రూ.308 కోట్లకు పైగా గ్రాస్ కలెక్ట్ చేసిందని మేకర్స్ వెల్లడించడం గమనార్హం.

Disclaimer: ఈ పేజీలోని సినిమా బాక్సాఫీస్‌ రిపోర్టులకు సంబంధించిన సమాచారం sacnilk.com, ప్రొడక్షన్ హౌస్‌‌లు, ప్రముఖ సోషల్ మీడియా అకౌంట్ల ద్వారా వెల్లడించిన వివరాల ఆధారంగా పొందుపరచడమైంది. సినిమా బాక్సాఫీస్ కలెక్షన్ల‌కు సంబంధించి వెల్లడించే రిపోర్టులకు ఫిల్మ్ టాకీస్ ఎలాంటి బాధ్యత వహించదు.