OG Movie: పవన్ కళ్యాణ్ ఓజీ సినిమా బెనెఫిట్ షో టికెట్ ధర.. ఎంతంటే?
పవర్ స్టార్ పవన్ కళ్యాణ్ నటించిన లేటెస్ట్ గ్యాంగ్ స్టర్ యాక్షన్ ఫిల్మ్ OG. ఈ చిత్రానికి యంగ్ అండ్ టాలెంటెడ్ డైరెక్టర్ సుజీత్ దర్శకత్వం వహిస్తున్న సంగతి తెలిసిందే. ఈ చిత్రం ఇప్పటికీ షూటింగ్, పోస్ట్ ప్రొడక్షన్ పనులన్నీ పూర్తి చేసుకుంది. ప్రస్తుతం రిలీజ్ కు సిద్ధంగా ఉంది. ఇక ప్రస్తుతం మేకర్స్ సినిమాను గ్రాండ్ గా విడుదల చేసేందుకు అన్ని ఏర్పాట్లను పూర్తి చేస్తున్నారు. ప్రమోషన్స్ పై దృష్టి పెడుతున్నారు. ఈ క్రమంలో ఓజీ సినిమా గురించి ఇంట్రెస్టింగ్ అప్డేట్ అందింది.
ఓజీ సినిమాను 25 సెప్టెంబర్ 2025న తెలుగుతో పాటు తమిళం, మలయాళం, కన్నడ, హిందీ భాషల్లో గ్రాండ్ గా విడుదల చేయబోతున్నారు. ఇంకా సరిగ్గా 5 రోజుల సమయమే మిగిలి ఉంది. దీంతో సినిమాకు సంబంధించిన టికెట్ ధరలు, బెనెఫిట్ షోలకు సంబంధించిన వివరాలు ఆసక్తికంగా మారాయి. OG సినిమాకు సంబంధించిన బెనెఫిట్ షో టికెట్స్ ధరలను తాజాగా ప్రభుత్వం నిర్ణయించింది. Pawan Kalyan మూవీ ఓజీ బెనెఫిట్ షోలపై ఆసక్తికమైన వివరాలను వెల్లడించింది.
ఇంతకీ ఓజీ చిత్రానికి బెనెఫిట్ షోలు ఉంటాయా? లేదా? అనే సందిగ్దంలో ఉంటాయని క్లారిటీ మాత్రం వచ్చేసింది. ఈ చిత్రం సెప్టెంబర్ 25న విడుదల కాబోతుండటంతో ఒక్క రోజు ముందు అంటే సెప్టెంబర్ 24న రాత్రి 9:00 గంటలకు బెనెఫిట్ షోకు తెలంగాణ ప్రభుత్వం అనుమతి ఇచ్చింది. ఇక బెనెఫిట్ షోకు సంబంధించిన టికెట్ ధరను కూడా వెల్లడించింది. జీఎస్టీ కలుపుకొని ఒక్కో టికెట్ ధరను రూ.800లుగా వెల్లడించింది. దీంతో ఫ్యాన్స్, మూవీ లవర్స్ టికెట్స్ ను బుక్ చేసే పనిలో ఉన్నారు.
వార్ 2కి ఎన్టీఆర్ భారీ పారితోషికం.. హృతిక్ రోషన్, కియారా అద్వానీ ఎన్ని కోట్లు తీసుకున్నారంటే?
మరోవైపు నార్మల్ టికెట్స్ పైనా కూడా ధరల పెంపునకు అనుమతి ఇచ్చింది. సింగిల్ స్క్రీన్స్ కు 100 రూపాయలు, మల్టీప్లెక్స్ లకు 150 రూపాయల ధరను పెంచింది. జీఎస్టీ కలుపుకొని ఈమేరకు పెంచుతూ జీవో జారీ చేసింది. ఇక ఈ పెంచిన ధరలు సెప్టెంబర్ 25 నుంచి అక్టోబర్ 04 వరకు వర్తిస్తాయని తెలిపింది. అంటే 10 రోజుల పాటు ఈ టికెట్ ధరలను పెంచుకునేందుకు తెలంగాణ ప్రభుత్వం అవకాశం కల్పించింది. ఆ తర్వాత యథావిధిగా థియేటర్లలో ప్రేక్షకులకు పాత రేట్లలోనే సినిమాను ప్రదర్శిస్తారు.
ఇక ఓజీ చిత్రం ట్రైలర్ సెప్టెంబర్ 21న విడుదల కానుంది. గ్రాండ్ లాంచింగ్ కు మేకర్స్ ఏర్పాట్లు చేస్తున్నారు. కాగా, ఈ చిత్రాన్ని డీవీవీ ఎంటర్ టైన్ మెంట్స్ బ్యానర్ లో డీవీవీ దానయ్య రూ.300 కోట్ల బడ్జెట్ తో నిర్మిస్తున్నారు. యంగ్ అండ్ టాలెంటెడ్ హీరోయిన్ ప్రియాంక అరుళ్ మోహన్ పవన్ కళ్యాణ్ సరసన నటిస్తోంది. బాలీవుడ్ స్టార్ ఇమ్రాన్ హష్మీ, అర్జున్ దాస్ విలన్ పాత్రల్లో నటిస్తున్నారు. సుజీత్ దర్శకత్వం వహించిన ఈ చిత్రానికి ఎస్ఎస్ థమన్ సంగీతం అందిస్తున్న సంగతి తెలిసిందే. ఇక ఈ చిత్రంపై ఇప్పటికే భారీ అంచనాలు నెలకొన్నాయి. కాగా ఓపెనింగ్ డే రిజల్ట్ ఎలా ఉంటుందనేది ఆసక్తికరంగా మారింది. బాక్సాఫీస్ వద్ద కూడా ఎలాంటి సంచనాలు నెలకొల్పనుందనేది మరింత ఇంట్రెస్ట్ ను క్రియేట్ చేసింది. ఇప్పటికే ప్రీ రిలీజ్ బిజినెస్ ఓ రేంజ్ లో జరగడం విశేషం.
