విజయ్ దేవరకొండ రెమ్యునరేషన్.. కింగ్డమ్ కు ఎన్ని కోట్లంటే?
భారీగా పెంచేసిన సెన్సేషనల్ స్టార్
టాలీవుడ్ స్టార్ హీరో విజయ్ దేవరకొండ గురించి తెలుగు ప్రేక్షకులకు ప్రత్యేకంగా పరిచయం అవసరం లేదు. అర్జున్ రెడ్డి అనే చిత్రంతో విజయ్ దేవరకొండ ఎంతటి సెన్సేషన్ క్రియేట్ చేశారో అందరికీ తెలిసిందే. సందీప్ రెడ్డి వంగ దర్శకత్వం వహించిన ఆ చిత్రం కరోనాకు ముందు 2017లో ప్రేక్షకుల ముందుకు వచ్చి సంచలనంగా మారింది. కేవలం 3 కోట్ల రూపాయల బడ్జెట్ తో తెరకెక్కిన ఆ చిత్రం ప్రేక్షకుల మెప్పు పొందింది. ఫలితంగా బాక్సాఫీస్ వద్ద విజయ్ దేవరకొండ – షాలినీ పాండే జంటగా నటించిన రొమాంటిక్ డ్రామాకు మంచి నెంబర్స్ అందాయి. లాంగ్ రన్ లో ఈ చిత్రం ఏకంగా రూ.50 కోట్ల గ్రాస్ వసూల్ చేయడం విశేషం.
ఇక అర్జున్ రెడ్డి చిత్రం తర్వాత నుంచి విజయ్ దేవరకొండ తెలుగు ప్రేక్షకుల్లో మంచి క్రేజ్ ను దక్కించుకున్నారు. యంగ్ హీరోగా యూత్ తో పాటు సినీ ప్రియులను తనవైపు తిప్పుకున్నారు. అలాగే ఎక్కడా గ్యాప్ ఇవ్వకుండా బ్యాక్ టు బ్యాక్ ప్రాజెక్ట్స్ తో ప్రేక్షకులను అలరిస్తూనే వస్తున్న సంగతి అందరికీ తెలిసిందే. ఇలా విజయ్ దేవరకొండ ఇప్పటికే 15 చిత్రాల్లో నటించి మెప్పించారు. ఒక చిత్రానికి మరో చిత్రానికి ఎలాంటి పోలిక లేకుండా విభిన్న కథలతో ప్రేక్షకుల ముందుకు వచ్చేందుకు ఎంతగానో ప్రయత్నిస్తున్నారు. సినిమా హిట్ ఫ్లాప్స్ సంగతి కాస్తా పక్కన పెడితే.. తన నుంచి కొత్తదనాన్ని ఆడియెన్స్ కు అందించేందుకు విజయ్ దేవరకొండ ఎప్పటికప్పుడు కృషి చేస్తూనే ఉన్నారు.
ఈ క్రమంలోనే విజయ్ దేవరకొండ కింగ్డమ్ అనే చిత్రంతో చివరిగా అలరించిన సంగతి తెలిసిందే. ఈ చిత్రానికి సక్సెస్ ఫుల్ డైరెక్టర్ గౌతమ్ తిన్ననూరి దర్శకత్వం వహించడం విశేషం. ఈయన ఇప్పటికే నేచురల్ స్టార్ నానితో కలిసి జెర్సీ అనే స్పోర్ట్స్ డ్రామాను తెరకెక్కించి విజయం అందుకున్నారు. తనదైన ఫిల్మ్ మేకింగ్ తో టాలీవుడ్ లో మంచి పేరును సంపాదించుకున్నారు. ఇక ఈ చిత్రంలో భాగ్య శ్రీ బోర్సే హీరోయిన్ గా నటించిన సంగతి తెలిసిందే. విజయ్ దేవరకొండ సరసన ఆమె కూడా అద్భుతమైన పెర్ఫామెన్స్ ను కనబర్చింది. ఈ చిత్రాన్ని టాప్ ప్రొడ్యూసర్, యంగ్ అండ్ టాలెంటెడ్ నిర్మాత నాగ వంశీ ప్రొడ్యూస్ చేయడం విశేషం. సితార ఎంటర్ టైన్ మెంట్ బ్యానర్ లో ప్రేక్షకుల ముందుకు భారీ రిలీజ్ ద్వారా వచ్చింది.
వార్ 2కి ఎన్టీఆర్ భారీ పారితోషికం.. హృతిక్ రోషన్, కియారా అద్వానీ ఎన్ని కోట్లు తీసుకున్నారంటే?
టాలీవుడ్ టాప్ ప్రొడ్యూసర్ సూర్య దేవర నాగవంశీ నిర్మాతగా వ్యవహరించిన ఈ చిత్రానికి ఆయన రూ.130 కోట్లు బడ్జెట్ వెచ్చించడం విశేషం. సినిమా నిర్మాణ వ్యయంతో పాటు నటీనటులు, టాప్ టెక్నీషియన్లకు కూడా భారీగానే రెమ్యనరేషన్లు ఇచ్చారని సినీ ప్రముఖులు తెలుపుతున్నారు. తెలుగు ప్రేక్షకులకు క్వాలిటీ సినిమాను అందించేందుకు ఖర్చుకు ఎక్కడా వెనకాడలేదని చెబుతున్నారు. ఈ క్రమంలో విజయ్ దేవరకొండ కింగ్డమ్ చిత్రానికి ఎన్ని కోట్ల పారితోషికం అందుకున్నారనేది హాట్ టాపిక్ గ్గా మారింది.
ఇక ఈ చిత్రానికి విజయ్ దేవరకొండ ఎన్ని కోట్ల పారితోషికం తీసుకున్నారనేది ఆసక్తికరంగా మారింది. కాగా విజయ్ దేవరకొండ కింగ్డమ్ చిత్రానికి రూ.30 కోట్లు పారితోషికంగా అందుకున్నారని సినీ వర్గాల అభిప్రాయం. గతంలో విజయ్ దేవరకొండకు వరుసగా ఫ్లాప్స్ వస్తున్నా.. యంగ్ హీరో క్రియేట్ చేసుకున్న మార్కెట్, ఫ్యాన్ ఫాలోయింగ్ కి ఏమాత్రం ప్రభావం చూపకపోవడంతో ఆయనకు ఈ స్థాయిలో పారితోషికం అందుకున్నారని తెలుస్తోంది. దీనిపై ఎలాంటి అధికారిక సమాచారం లేదు. కానీ నెట్టింట మాత్రం విజయ్ రెమ్యునరేషన్ పై వార్తలు చక్కర్లు కొడుతున్నాయి. ఇక మున్ముందు విజయ్ దేవరకొండ ఎలాంటి ప్రాజెక్ట్స్ తో అలరించబోతున్నారనేది మరింత ఆసక్తికంగా మారింది.
