ఓటీటీలోకి హరిహర వీరమల్లు.. ఇక్కడ చూసేయండి
పవర్ స్టార్ పవన్ కళ్యాణ్ నటించిన లేటెస్ట్ ఫిల్మ్ హరి హర వీరమల్లు. ఈ చిత్రం తెలుగుతో పాటు హిందీ, తమిళం, మలయాళం, కన్నడ భాషల్లో గ్రాండ్ గా విడుదలైంది. జూలై 24న ప్రేక్షకుల ముందుకు వచ్చింది. పవన్ కళ్యాణ్ పొలిటికల్ గా ప్రభంజనం సృష్టించిన తర్వాత తొలిసారిగా ప్రేక్షకుల ముందుకు వచ్చిన చిత్రమిది. దీంతో భారీగా అంచనాలు పెట్టుకున్నారు అభిమానులు, కానీ సినిమా ఆశించిన మేరగా అటు ఫ్యాన్స్ ను, ఇటు ఆడియెన్స్ ను ఆకట్టుకోలేకపోయింది.
ఇక ఈ చిత్రం ప్రస్తుతం ఓటీటీలోకి కూడా రావడానికి సిద్ధమైంది. క్రిష్ జాగర్లముడి, ఏఎం జ్యోతి క్రిష్ణ దర్శకత్వం వహించిన ఈ చిత్రం ఓటీటీలోకి ఎప్పుడు వస్తుందా? అని అభిమానులు మాత్రం ఎదురు చూస్తున్నారు. దాంతో సినిమా ఓటీటీ రిలీజ్ డేట్, ఎప్పటి నుంచి స్ట్రీమింగ్ జరుగుతుంది. ఎక్కడ చూడవచ్చనే అప్డేట్ తాజాగా అందింది. ఈ చిత్రానికి సంబంధించిన డిజిటల్ రైట్స్ ను ప్రముఖ ఓటీటీ సంస్థ అమెజాన్ ప్రైమ్ వీడియో దక్కించుకోవడం విశేషం.
హర హర వీరమల్లు చిత్రం ఓటీటీ రిలీజ్ కు సిద్ధమైంది. అమెజాన్ ప్రైమ్ వీడియోలో ఈ చిత్రం ఆగస్టు 20 నుంచే స్ట్రీమింగ్ జరుగుతుండటం విశేషం. తెలుగుతో పాటు తమిళం, మలయాళం భాషల్లోనే ప్రస్తుతం అందుబాటులో ఉంది. మున్ముందు మిగితా భాషల్లోనూ రానుంది. ఇక ఓటీటీ ఆడియెన్స్ ఈ పిరియాడిక్ యాక్షన్ ఫిల్మ్ ను చూసి ఎంజాయ్ చేయండి అని ప్రైమ్ వీడియో సంస్థ తెలిపింది. ఇక ఓటీటీలో ఈ చిత్రం ఎలాంటి రెస్పాన్స్ ను సొంతం చేసుకుంటుందనేది చూడాలి.
వార్ 2కి ఎన్టీఆర్ భారీ పారితోషికం.. హృతిక్ రోషన్, కియారా అద్వానీ ఎన్ని కోట్లు తీసుకున్నారంటే?
మరోవైపు హరిహర వీరమల్లు చిత్రాన్ని ప్రముఖ నిర్మాత ఏఎం రత్నం రూ.250 కోట్లతో మెగా సూర్య ప్రొడక్షన్ బ్యానర్ లో నిర్మించడం విశేషం. దీంతో సినిమా బాక్సాఫీస్ నుంచి వరల్డ్ వైడ్ గా కేవలం రూ.113 కోట్ల గ్రాస్ అందుకుంది. ఇక నాన్ థియేట్రికల్ రైట్స్ ఓటీటీ ద్వారా రూ.80 కోట్లు దక్కాయి. అయినప్పటికీ సినిమా 50 కోట్ల వరకు నష్టాలను చవి చూసిందని ట్రేడ్ వర్గాల అభిప్రాయం. ఈ చిత్రం 5 ఏళ్లుగా వాయిదాలు పడుతూనే వచ్చింది. ఇప్పటి వరకు 13 సార్లు రిలీజ్ వాయిదా పడిన ఏకైక చిత్రంగా ఈ సినిమాకు రికార్డ్ ఉంది. అన్ని సార్లు పోస్ట్ పోన్ అయినా పవన్ కళ్యాణ్ కు ఉన్న క్రేజ్ కారణంగా సినిమాపై ఎలాంటి ప్రభావం పడలేదు. సినిమా కంటెంట్, వీఎఫ్ఎక్స్ బాలేకపోవడంతో కమర్షియల్ గానూ ఆశించిన ఫలితాన్ని దక్కించుకోలేకపోయిందని సినీ ప్రముఖలు అభిప్రాయపడుతున్నారు.
ఇక ఈ చిత్రంలో యంగ్ అండ్ టాలెంటెడ్ హీరోయిన్ నిధి అగర్వాల్ పవన్ కళ్యాణ్ సరసన నటించింది. బాలీవుడ్ స్టార్ బాబీ డియోల్ విలన్ పాత్రలో మెప్పించారు. ఆస్కార్ అవార్డ్ గ్రహీత, టాప్ మ్యూజిక్ డైరెక్టర్ ఎంఎం కీరవాణి సంగీతం అందించడం విశేషం. ఇక పవన్ కళ్యాణ్ నెక్ట్స్ సుజీత్ దర్శకత్వంలోని OG, హరీశ్ శంకర్ దర్శకత్వంలోని ఉస్తాద్ భగత్ సింగ్ వంటి చిత్రాలతో అలరించేందుకు సిద్ధమవుతున్నారు.