Kigdom Day 1 Box Office: కింగ్డమ్ కు భారీ ఓపెనింగ్.. విజయ్ దేవరకొండ కెరీర్ లోనే హయ్యేస్ట్.. ఎన్ని కోట్లంటే?
తెలుగు ప్రేక్షకుల్లో స్టార్ హీరోగా గుర్తింపు దక్కించుకున్నారు విజయ్ దేవరకొండ. అర్జున్ రెడ్డి, గీత గోవిందం తర్వాత అలాంటి హిట్ కోసం ఎదరు చూస్తూ ఉన్నారు. ఈ క్రమంలో తాజాగా కింగ్డమ్ అనే చిత్రంతో ప్రేక్షకుల ముందుకు వచ్చారు. జూలై 31న వరల్డ్ వైడ్ గా ఈ చిత్రం విడుదలైంది. ఈ స్పై యాక్షన్ ఫిల్మ్ కు ప్రేక్షకుల నుంచి మంచి రెస్పాన్స్ దక్కుతోంది. గౌతమ్ డైరెక్షన్, విజయ్ టెర్రిఫిక్ పెర్ఫామెన్స్ కు ఫ్యాన్స్, ఆడియెన్స్ ఫిదా అవుతున్నారు. ఇక ఈ చిత్రం బాక్సాఫీస్ కలెక్షన్లు కూడా అదిరిపోతున్నాయి. ఇంతకీ డే1 కలెక్షన్లు ఎన్ని కోట్లు వచ్చాయనే విషయానికొస్తే..
విజయ్ దేవరకొండ కెరీర్ లోనే కింగ్డమ్ చిత్రానికి భారీ వసూళ్లు వచ్చినట్టు ట్రేడ్ నిపుణులు తెలుపుతున్నారు. కింగ్డమ్ డే1కు ఇండియా నెట్ వసూళ్లు రూ.15.75 కోట్లు వసూళ్లు అందాయని సాక్ నిల్క్ రిపోర్ట్ అందించింది. ఈ లెక్కన చిత్రానికి ఇండియా + ఓవర్సీస్ కలుపుకొని వరల్డ్ వైడ్ గా 35 కోట్ల రూపాయాల గ్రాస్ వసూల్ చేసిందని ట్రేడ్ నిపుణులు వెల్లడిస్తున్నారు. ఇక ఈ స్థాయిలో విజయ్ దేవరకొండ చిత్రానికి వసూళ్లు దక్కడం విశేషం. ఈ వసూళ్లలో తెలుగు స్టేట్స్, ఓవర్సీస్ లోనే అత్యధిక రెస్పాన్స్ దక్కినట్టు తెలుస్తోంది.
ఇక విజయ్ దేవరకొండ చిత్రానికి టాలీవుడ్ ప్రముఖ నిర్మాత నాగవంశీ ప్రొడ్యూసర్ గా వ్యవహరించారు. సితార ఎంటర్ టైన్ మెంట్స్, శ్రీకర స్టూడియోస్, ఫార్యూన్ ఫర్ సినిమాస్ బ్యానర్లలో సంయుక్తంగా నిర్మించారు. చిత్ర నిర్మాణ విషయంలో ఎక్కడ కాంప్రమైజ్ కాలేదు. ఇక నటీనటులు, టెక్నీషియన్ల రెమ్యునరేషన్లు, ప్రచార కార్యక్రమాలన్నీ కలుపుకొని ఈ చిత్రానికి 130 కోట్ల రూపాయలు ఖర్చు అయినట్టు ట్రేడ్ పండితులు వెల్లడించారు.
కింగ్డమ్ చిత్రంలో భాగ్యశ్రీ బోర్సే హీరోయిన్ గా నటించింది. విజయ్ దేవరకొండకు ధీటుగా భాగ్యశ్రీ పెర్ఫామెన్స్ ఇచ్చింది. జెర్సీ తర్వాత దర్శకుడు గౌతమ్ తిన్ననూరి మరో ఇంట్రెస్టింగ్ ప్రాజెక్ట్ ను ప్రేక్షకులకు అందించారు. ఈ ప్రాజెక్ట్ కు టాప్ మ్యూజిక్ డైరెక్టర్ అనిరుధ్ రవిచంద్ర సంగీతం అందించడం విశేషం. ఇక ఈ చిత్రం మున్ముందు బాక్సాఫీస్ వద్ద ఎన్ని కోట్లు కలెక్ట్ చేస్తుందనేది వేచి చూడాలి. ప్రస్తుతం ఈ చిత్రానికి కాస్తా ఆశాజనకంగానే వసూళ్లు అందుతున్నట్టు తెలుస్తోంది. అయితే ఈ చిత్రం కనీసం కమర్షియల్ గానైనా మంచి ఫలితాన్ని అందుకుంటే అది విజయ్ దేవరకొండ నెక్ట్స్ సినిమా మార్కెట్ కు మరింత దోహదపడే అవకాశం ఉందని నిపుణులు చెబుతున్నారు.
Karthika deepam 2 October 3rd : జ్యోత్స్న కు దిమ్మతిరిగే కౌంటర్.. కార్తీక్ బాబు దెబ్బకు షాక్
విజయ్ దేవరకొండ తన కెరీర్ ప్రారంభం నుంచి ప్రతి సినిమా కోసం ఎంతో ఎఫెర్ట్ పెడుతూ వస్తున్నారు. అర్జున్ రెడ్డితో యూత్ హీరోగా మారిపోయిన విజయ్ దేవరకొండ ఆ తర్వాత వచ్చిన గీతా గోవిందంతో ఫ్యామిలీ ఆడియెన్స్ ను కూడా తనవైపు తిప్పుకోగలిగాడంటే గొప్ప విషయమనే చెబుతున్నారు. ఇక ఇప్పుడు మాత్రం విజయ్ దేవరకొండకు కింగ్డమ్ తో భారీ హిట్ పడాలని ఆశించిన కాస్తాలో మిస్ అయినట్టుగా సినీ విశ్లేషకులు చెబుతున్నారు. తన రాబోయే చిత్రాలతోనైనా విజయ్ దేవరకొండ అందనంత స్థాయికి వెళ్లడం ఖాయమని అభిప్రాయపడుతున్నారు.
